Hayot Foundation loyihasi
Loyiha haqida
Oʻz
Oʻz

Qidiruv

«dalik» boʻyicha 38 ta natija: Lugʻatlar

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tildan
Oʻzbekcha Ruscha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

38 ta
esdalik
Izohli lugʻat · yana 6 ta lugʻatda

ot 1. Esda qolgan taassurot, xotira.

Otam shu mavzuda oʻz esdaliklaridan bir voqeani naql qildi. S. — Ayniy, Esdaliklar

Asqar Aminovichning gaplari koʻnglining eng chuqurida yotgan esdaliklarini yana qoʻzgʻab, xayolini agʻdar-toʻntar qilib yuborgan edi. — O. Yoqubov, Izlayman

2. Xotira ramzi yoki xotira boʻlib qolgan narsa; yodgorlik.

Bobodan qolgan esdalik. Esdalik sovgʻalar.

Bu joylarni rasmga olib qoʻysangiz, yaxshi boʻlardi. Hammamizga esdalik boʻlib qolardi. — I. Rahim, Tinimsiz shahar

Xalqimiz, avlodlarga esdalik boʻlsin, deb chinor ekadi. — Gazetadan

  • Esdalik daftari 1. Taassurotlarni yozib qoldirish uchun qoʻyilgan daftar (masalan, muzeyda, koʻrgazmada); Chang bosib yotgan esdalik daftarimni yaqinda eski kitoblar orasidan topib oldim. — U. Usmonov, Sirli sohil
Toʻliq maqola →
qudalik
Izohli lugʻat · yana 1 ta lugʻatda

ot 1. Quda ekanlik.

Shu kishi bilan qudaligingizni bilaman.

2. Qudaga xos munosabat, mavqe.

[Qozi:] Dodxoning, ming qilsa, sizga qudalik hur-mati bor. — Hamza, Boy ila xizmatchi

Toʻliq maqola →
bandalik
Izohli lugʻat · yana 4 ta lugʻatda

ot 1. din. Bandaning olloh oldidagi qarzi; qismati; oʻlim, qazo qilish..

2. Shaxsning biror munosabat bilan qaramlik, tobelik holati.

Asarning oxirida qotilni politsiya qamoqqa oladi va bir muallim chiqib, chor hukumatiga qulluq va bandalik madhiyasini oʻqiydi. — Hamza

  • Bandalik qilmoq, bandalikni bajo keltirmoq yoki topshirmoq . Vafot etmoq, qazo qilmoq, oʻlmoq. Bahrombekni zoʻrgʻa tashqariga olib chiqdi, fotiha qilib, bandalikni bajo keltirgan musofirning yuziga oq doka yopdi. — YoshlikDono momo bandalik qildi. Janozaga bordim. — T. Murod, Ot kishnagan oqshomSodiq choʻpon bandalikni topshirdi. — Yoshlik
  • Bandalik yoki bandalik-da Vafot etgan kishining yaqinlariga taʼziya izhor qilishda aytiladigan soʻz; afsus, vafot qilibdi maʼnosida. — Bandalik, oʻgʻlim, otangdan ajraldik, — deb bagʻriga bosdi. — Yoshlik— Bandalik ekan, aya! — notanish yigit maʼyuslanib gapirdi. — S. Karomatov, Oltin qumMashinaga yaqinlashayotganda, shofyor yigit turib kelib, tirsaklaridan ushladi: — Bandalik, Rahimjon aka! — Oʻ. Umarbekov, Yoz yomgʻiri
Toʻliq maqola →
kundalik
Izohli lugʻat · yana 6 ta lugʻatda

ot 1. Har kungi, har bir kunga xos.

Gazetalardan kundalik axborotni zoʻr tashvish bilan kuzatib turgan kishilarga hali oʻzi ham tushuna olmagan bu yerdagi osoyishtalik toʻgʻrisida nima deb yozadi? — A. Qahhor, Oltin yulduz

2. Kunda boʻlib turadigan; odatdagi.

Lekin oʻylab qarasa, rayonga deb yoʻlga chiqqanida, koʻziga juda katta koʻringan bu tashvish hozir kundalik ikir-chikirlar qatoriga kirib qolibdi. — A. Qahhor, Qoʻshchinor chiroqlari

3. Hodisalar, kuzatishlar va shu kabilar yozib boriladigan jurnal, daftar. Ekspeditsiya kundaligi.

Yoʻldosh, kundalikka yozib qoʻying. Bitta osh ham qarz qilib qoʻydik. Shuhrat, — Shinelli yillar

Dadangizning kitoblarini, kundaliklarini, maktublarini, xullas, yozilgan qogʻoz borki, berkitib tashlang. — T. Malik, Iblis devori

4. Oʻquvchilarning uyga berilgan vazifasi va olgan baholari yozib qoʻyiladigan daftari.

Ularning [oʻquvchilarning] bahosi yoʻqlama va kundalikka qoʻyiladi. Y. Abdullayev, Dars yuzasidan bahoni qanday qoʻyish kerak?

  • Kundalik daftar
Toʻliq maqola →

Hammasini koʻrish · 38 →