Поиск

ot 1. Qoʻy-echki oyogʻi ostida toʻplanib, qatlam hosil qilgan goʻng.

Abdusamad ertalabdan kun qiyomga yetguncha pishillab chalma chopdi. — Sh. Boʻtayev, Qoʻrgʻonlangan oy

2. Mol goʻngidan katta chambarak qolipga solib yasalgan yoqilgʻi.

Chalma quymoq.

Sakkiz gektar chiqadigan oʻrikzorga qarash, bahor ayozlarida chalma tutatish Omonning boʻynida edi. — Sh. Xolmirzayev, Bodom qishda gulladi

Choponining ustidan chakmonini kiydi, boshini chalmasi bilan tangʻidi. Sh. — Toshmatov, Erk qushi

fl. 1. Musiqa asbobida biror kuy, ohang ijro etmoq.

Nogʻorachi yigit usta ekan! Shunday berilib, shunday terga botib chaldiki, osmon pardasini yirtib yuborguday boʻldi. — Oʻ. Hoshimov, Qalbingga quloq sol

2. Sado, ovoz chiqaradigan, signal beradigan asboblarni ishga solmoq.

Qoʻngʻiroq chalmoq. Gudok chalmoq. Oʻt oʻchirish mashinasi ustma-ust signal chaldi.

3. Biror aʼzo vositasida tovush, sado, ovoz chiqarmoq (odam haqida).

Sher chapak chalaman deb, qoʻlidan koʻkchani tushirib yuborishiga sal qoldi. — S. Anorboyev, Hamsuhbatlar

Ashur ikki barmogʻini ogʻziga tiqib, hushtak chaldi. — N. Aminov, Qahqaha

4. Sado, ovoz chiqarmoq (jonsiz narsalar haqida).

Men boray, kurtaklar kutib qoldilar Men boray, shamollar hushtak chaldilar. — Yoshlik

Yellar chalgan chapakdan Novdalar uxlar qonib. — Yoshlik

ot maxs. Charxning duk oʻrnatiladigan ayrisimon qismi.

ot bot. Oshqovoqning sallasimon bir turi.

fl. shv. q. Chalishmoq 2.

Mirvali togʻa ketiga tisarilib borarkan, oyogʻi chalmashib yiqildi. — Sharq yulduzi

fl. Chalmashmoq feʼlining orttirma nisbati.