«болали» бўйича 123 та натижа: Луғатлар
сфт. Боласи, фарзанди бор, бола-чақали.
Болалилар бош бўлар, боласизлар ёш бўлар. — Мақол
Болали уй — бозор, боласиз уй — мозор. — Мақол
Болали уйда ғийбат бўлмас. — Мақол
от 1. Янги туғилган, ҳали кўкракдан, она бағридан ажратилмаган гўдак; чақалоқ.
Бола эмизмоқ. Болани аллалаб ухлатмоқ. Бола йиғламаса, она сут бермайди. — Мақол
Ўзбек ойим бурчакда бола кўтариб ўтирган Зайнабдан чақалоқни олиб, уни жомни тўкиб келишга буюрди. — А. Қодирий, Ўтган кунлар
2. Ҳали ёш, вояга етмаган одам.
Болани ёшдан асра, ниҳолни бошдан асра. — Мақол
Яхши боладан — раҳмат, Ёмон боладан — лаънат. — Мақол
Мен куяман боламга, Болам куяр боласига. — Мақол
Алдагани бола яхши. — Қанотли сўзлар
— Ҳали бола экансиз, — деди Кумуш. — А. Қодирий, Ўтган кунлар
Анвар келишган, дўндиқ бола эди. — А. Қодирий, Меҳробдан чаён
Аёл кишининг фазилати бола билан бўлган муносабатида очилади. — Ф. Мусажонов, Ҳиммат
3. Фарзанд, ўғил-қиз, зурриёт.
Одамнинг меваси — бола. — Мақол
Бол ширин, болдан бола ширин. — Мақол
Бола азиз, одоби ундан азиз. — Мақол
Бир онадан алвон хил бола туғилади, деганларидек, Анварнинг яратилиши оғаларига нисбатан бошқача эди. А. Қодирий, Меҳробдан чаён.
4. кўчма Ёши улуғ, аммо гўдакларча иш тутадиган, болаларча мулоҳаза юргизадиган одам ҳақида.
— Нега кўнглимга олмай, мен ёш боламанми! — деди [Кумуш]. — А. Қодирий, Ўтган кунлар
Эй хотин, бола бўлиб қолган-сан десам, аччиғинг келади. Ахир гапнинг охирига қадар тинглаб турмайсанми. — Ойдин, Ширин келди
5. (кўпинча 1-шахс эгалик аффикси билан) Ёши катталарнинг ёшларга мурожаат шакли.
— Узр айт, болам. Золим билан тенглашма! — деди чол. — Ойбек, Танланган асарлар
— Меники бедаво дард. Уҳ! — енгил хўрсинди Тоҳиржон. —Ундай дема, болам. Ноумид шайтон. — Ойбек, Танланган асарлар
6. Янги туғилган, тухумдан чиққан, ҳали вояга етмаган ёш ҳайвон ёки парранда.
Қўнғиз боласини оппоғим дер, кирпи боласини юмшоғим дер. — Мақол
Илоннинг боласи — илон, Чаённинг боласи — чаён. — Мақол
7. Ҳомила, қориндаги гумона.
— Боланг неча ойлик бўлди, ер ютгур? — бўғилиб сўради ва қизни бир тепди. — Ойбек, Танланган асарлар
Меҳри иккиқат. Бола икки ойлик, уч ойлик беш ойлик Қандай қилиб бўлса ҳам, болани тушириш керак. — А. Қаҳҳор, Бошсиз одам
от 1. Ёш болаларга хос хатти-ҳаракат, қилиқ.
Бола болалигига боради.
Бола-да, мурти сабза уриб қолган бўлса ҳамки, болалигини қўймайди. — М. Исмоилий, Фарғона тонг отгунча
Сафарали қаерда туради десак, биров айтиб берадими? Болалигинг қурсин! Дунёда Сафаралидан кўпи ёʻқ. — Ойдин, Мардлик — мангулик
2. Одамнинг ҳали вояга етмаган даври; ёшлик.
У болаликданоқ отларни севар, яхши отларни боқиш, томоша қилишдан ҳар вақт завқланар эди. — Ойбек, Танланган асарлар
Дунёдаги энг мароқли сайр болалик йиллари ўтган кўчалар бўйлаб сайр этиш бўлса керак. — С. Сиёев, Отлиқ аёл
3. Фарзандлик, фарзанд қилиб олиш, фарзанд қилиб асраш.
[Ўғлимни] Бир бефарзандга болаликка бердим. Қаерда бўлса, эсон бўлсин. — Ойбек, Танланган асарлар
сфт. айн. Бола-чақали.
погов. детство — царство: детство — беззаботная пора, ребенок ни с чем и ни с кем не считается.
погов. в доме, где есть дети, не сплетничают.
макка шв. Маккажўхори. Мана, ҳозир ҳам макка уқалаяпман-у, қизиқ-қизиқ афандиларни ўйлаб ўзимни ўзим кулдириб ўтирибман. Х. Тўхтабоев, Беш болали йигитча
зиқнов шв. Зиқновга олмоқ Сиқмоқ, қийнамоқ. Отам билан онам, сендан кичиклар икки болали бўлди, қачон уйланасан, деб зиқновга олишади. Н. Қобил, Унутилган соҳиллар
бойбичча айн. Бойвучча. Бойбиччалар тўйда бўлар, Хизматинда чўри бўлса. Оқ олма, қизил олма Болали, чақали бўлгин, Мисқолжон, Чамбил элга бориб бўлгин бойб
фарзандли Фарзанди бор, фарзанд кўрган; болали. Фарзандли аёл. Фарзандли уй доим бўлар лолазор Эрали ва Шерали Дугонамнинг ўғли бир қиз билан севишиб, турмуш қурд
фарзандталаб Фарзанд кўришни, болали бўлишни истовчи; болага муҳтож бўлган. Сиз туғмас экансиз, бахтингиз боғланган, фарзандталаблар менинг дуом билан тўққиз ой
боласиз Боласи ёʻқ, бола кўрмаган, бефарзанд. Боласиз хотин. Хотинсиз ўтиш — хато, боласиз ўтиш — жафо. Мақол Болали уй — бозор, боласиз уй — мозор. Мақол Боласизга
