Qidiruv

sft. 1. Odatdagi, belgilangan vaqtdan ilgari, vaqt-soati yetmasdan.

Bevaqt oʻlim.

Qurbon ota yana necha yillar eshonning xizmatida boʻlib, bevaqt kuchdan qoldi. — A. Qahhor, Toʻy

Qodir olloh, sen bilasan holimni, Dono egam, bevaqt berma oʻlimni. — Malikayi ayyor

2. Noqulay, nomatlub vaqtda; bemavrid.

Bevaqt kelib, sizlarni yoʻldan toʻxtat-dimmi? — A. Qodiriy, Oʻtgan kunlar

Mansur bevaqt kirganidan xijolat chekib, hamon eshik orqasida turardi. — Oʻ. Hoshimov, Qalbingga quloq sol

3. Kech tunda; bemahal.

Bevaqt yoʻl yurma.

Bevaqt boʻlib qolganidan oʻsha yerda tunab qoladigan boʻlishdi. — S. Ahmad

n prematurity, untimeliness

Maʼlum (tayin), nomaʼlum (notayin) vaqt(da); belgili yoki belgisiz vaqt(da); belgili boʻlmagan vaqtda; har zamon-har zamon(da).

Mening uyim — sizning uyingiz. Vaqt-bevaqt kelib turing. — H. Gʻulom, Mashʼal

Kampir men tugʻilganimda, kindigimni kesib, enagalik qilgan ekan, shu bois oʻz onamday koʻrib, vaqt-bevaqt holidan xabar olib turar edim. — Yoshlik

U endi vaqt-bevaqt kiradigan boʻlib qoldi. — Shuhrat, Jannat qidirganlar