sft. 1. Malollik, oʻngʻaysizlik sezmay, tortinmay, yozilib; erkin, bahuzur.
Mayli, xafa boʻlmang. Ayam bilan bemalol turaverasiz. — S. Zunnunova, Gulxan
Bemalol yozilishib oʻti-ringlar! Yomon koʻrganim — yoshlarning suhbatiga qarilarning suqilishi. — A. Qahhor, Ogʻriq tishlar
Klara ayollarga xos chiroyli harakat bilan sochini orqasiga tashlab yubordi. Keyin oʻz eri oldida turganday bemalol yechina boshladi. — Oʻ. Hoshimov, Qalbingga quloq sol
2. Bamaylixotir, xotirjam; shoshilmay.
— Xoʻp, mayli, — dedi Oʻrmonjon,— boʻlar ish boʻlib oʻtibdi. Endi bemalol, bexavotir ishlay bering. — A. Qahhor, Qoʻshchinor chiroqlari
Devor tagida katta sigir boshvogʻini yerga yoyib, bemalol kavsh qaytarib yotardi. — Oybek, Tanlangan asarlar
3. Toʻsqinlikka uchramay, bexavotir, oson, xavfsiz.
Ertalab koʻprik boshqatdan qilindi, endi har qanday ogʻir yuk bilan bemalol oʻtsa boʻlardi. — A. Muxtor, Opa-singillar
Orasidan qoʻqonarava bemalol yuradigan keng, uzun ishkomlar ikki tanobdan moʻlroq yerni ishgʻol etgan. — Oybek, Tanlangan asarlar
4. Aniq, yaqqol.
Alim buva yuqoridagi qiygʻoch teshiklardan qaradi. Hamma yoq bemalol koʻrinardi. — M. Ismoiliy, Fargʻona tong otguncha
Yupqa kapron koʻylakdan yelkasidagi husnbuzarlari bemalol koʻrinib turibdi. — S. Ahmad, Saylanma
5. Toʻliq ravishda, bekam-koʻst; yetarli.
Joy hammaga bemalol yetadi.
[Yerning] Yarmiga sabzi, yarmiga kartoshka ekasan. Shu bilan qishligimiz bemalol chiqadi. — Oybek, Tanlangan asarlar
6. Oʻtaketgan beparvo, gʻam-tashvishsiz kishi haqida.
Oʻzi bemalolning soʻzi bemalol. — Maqol
- Bemalol boʻlsa [Fotima domlaga:] Keling, domla pochcha! Bemalol boʻlsa, ana shu turgan stulni mening yaqinrogʻimga qoʻyib oʻtiring. — Hamza, Tuhmatchilar jazosiQoʻshni, bemalol boʻlsa, bizni xoli qoʻysangiz! — Uygʻun, Asarlar