от 1. Белга боғланадиган, тўрт-бурчак рўмол шаклидаги гулли ёки гулсиз, четлари тикилган мато парчаси; қийиқ, қийиқча.
Шоҳи белбоғ.
Нозим Зуҳранинг бошини аста силаб, ўз кўз ёшини белбоғи учига артди. — Гулдаста
У дўпписининг жиягини қайтариб, шоҳи белбоғ билан боғлаб олган эди. — К. Яшин, Ҳамза
2. Умуман белга белбоғ каби боғланадиган нарса.
[Шарофат:] Эшигимизга увада тўн-у чилвир белбоғ билан келган эдинг. — А. Қаҳҳор, Қўшчинор чироқлари
3. Ҳар нарсанинг ўрта белидан ўтган фаразий чизиқ ёки ҳалқа; экватор.
Энди биз Ернинг белбоғидан ўтдик, Жанубий яримшарга кирдик. — Ҳ. Ҳасанов, Экватордан ўтганда
Бу ердан ўтибди ернинг белбоғи, Беқасам тўн демак бу рангин диёр. — А. Орипов
4. кўчма Қувват, мадор, кўмакдош.
Ошнам — белбоғим. — Қанотли сўзлар
— Нега ташлаб кетаман буни, — деди кампир, келиннинг сўзини рад қилиб, — Белимнинг белбоғи энди бу. — И. Раҳим, Чин муҳаббат
Мен бораман элимга, алла, болам, Белбоғлар бергин белимга, алла. — Бойчечак
- Белбоғга ёлчимаслик Бойимаслик, бири икки бўлмаслик. Бўзчи белбоғга ёлчимас, кулол — мўндига: эшитганмисан? — Ойбек, Танланган асарларВодопровод бор-у, бўзчи белбоғга ёлчимас дегандек Қоратепа, Панжикент кўчаларидаги кранларда сув ёʻқ. — Муштум
- Белбоғ ечилмай Қийинчиликсиз, тезда. Сиз тикилган иш белбоғ ечилмай битади. Ҳаммага қоронғи бўлса ҳам, менга аён. — Ҳамза, Танланган асарлар
- Белингда белбоғинг борми? Йигитмисан? Йигитлик ғуруринг борми? [Хонзода Ғофирга:] Белингда белбоғинг борми? Қандай шарманда, худо урган эркаксан? — Ҳамза, Бой ила хизматчиОдамларни ҳашарга айтиб қўйдим. Белида белбоғи бори келаверади. — Ў. Ҳошимов, Икки эшик ораси