от 1. Умуман эркакка қарама-қарши жинсдаги шахс; хотин; бу маънода асосан кўплик шаклида қўлланиб, умумлаштириш маъносига эга бўлади, хотин-қизлар маъносини билдиради.
Ориятли бўлганидан, одамлар юзига тик қарагани уяладими, ким билсин, бу аёлнинг вужудида ўн эркакнинг ор-номуси бор эди. — Т. Ашуров, Оқ от
Шарқ аёллари, шу жумладан, ўзбек аёлларининг таърифи олам аҳлини ҳайратга солиб келаётгани сир эмас. — Газетадан
2. Шундай жинсдаги етук ёшдаги шахс (қизга нисбатан).
Бугунги кунимизда тенгсиз хислатларни ўзида мужассамлаштирган қизларимиз, аёлларимиз кўп. — Газетадан
3. Хотин, рафиқа (эрга нисбатан).
[Ёрмат:] Аёлим қишин-ёзин ичкари ҳовлининг юмушини қилади: кир ювади, уй-жойни супуради, нон ёпади, кўрпа қавийди. — Ойбек, Танланган асарлар
Аҳмад бригадирнинг юрагига ғулғула тушди, сергак тортиб, аёлига қаради. — С. Нуров, Нарвой