Қидирув

фл. 1. айн. Алишмоқ.

Кел, отимизни алмашамиз.

2. Бир-бирининг ўрнини олмоқ, эгалламоқ; алмашинмоқ, янгиланмоқ.

Катта стансияларда паровоз алмашади.

Жабборнинг кўзларидаги табассум яна таажжуб билан алмашди. — О. Ёқубов, Учрашув

Германияда канслер алмашди. — Газетадан

Шляпам алмашиб қолибди.

фл. 1. Алмашмоқ феълининг орттирма нисбати.

Смена алмаштирмоқ. Кийимни алмаштирмоқ. Калишимни кимдир алмаштириб кетибди.

[Моҳира ойим] Олдирган кийимлик Хушрўйга ёқмас, дарров ярамаганини айтиб, алмаштириб беришга дадасини мажбур этар ва кўнглидагини ҳосил қилиб тинчир эди. — А. Қодирий, Ўтган кунлар

2. Айирбош қилмоқ, алишмоқ.

фл. Алмаштирмоқ феълининг мажҳул нисбати.

фл. Алмаштирмоқ феълининг орттирма нисбати.

фл. Алмаштирмоқ феълининг биргалик нисбати.