fl. 1. Tikka holatdan yotqizmoq; yiqitmoq.
Birlashgan togʻni agʻdaradi. — Maqol
Oqsoy qirgʻoqlardan oshib-toshadi. Koʻkka boʻy choʻzgan, magʻrur daraxtlarni agʻdarib, arzimagan bir xasday oqizadi. — S. Anorboyev, Oqsoy
2. Tepadan pastga qulatmoq.
Otdan agʻdarmoq.
Qaqvon shahrining shohini shohi Abbos der edi.. Abbosni fildan agʻdardi. — Nurali
3. Idishni toʻnkarib, undagi narsani boʻshatmoq; quymoq, toʻkmoq.
Kosadagi sutni togʻoraga agʻdarmoq. Koʻmirni yerga agʻdarmoq. Qopdagi kartoshkani oʻraga agʻdarmoq.
4. Ostini ustiga qilmoq, ichini sirtiga, bir tomonini ikkinchi tomoniga aylantirmoq.
Yerni agʻdarmoq. Loyni agʻdarmoq. Xirmonda paxtani agʻdarmoq.
Muyulishda yotgan oq qogʻoz Murodjonning diqqatini tortdi va olib agʻdarib koʻrdi. — Gazetadan
5. koʻchma Hokimiyat tepasidan yoki yuqori mansabdan tushirmoq; olib tashlamoq.
U [Yoʻlchi] dedi:..jamiki mehnatkashlar yaktan boʻlib chiqsa, boylarni va qonxoʻr Nikolayni agʻdarib tashlashi aniq gap. — Oybek, Tanlangan asarlar
6. koʻchma Yoʻq qilmoq, barham bermoq.
[Qorabuloqliklar] Yelkalarida ezib kelgan qora qashshoqlikni agʻdarib tashlash umidida shod va xurram boʻlib boradilar. — M. Ismoiliy, Fargʻona tong otguncha
7. koʻchma Ayb, jinoyat va sh. k.ni taqamoq.
Salim ham butun aybni Yoʻlchiga agʻdarib, oʻzini quruqqa tortdi. — Oybek, Tanlangan asarlar
- Astar-avrasini agʻdarmoq
- Yil agʻdarmoq Muchal yil hisobidan foydalanib, tugʻilgan yilini aniqlamoq.
- Koʻngilni agʻdarmoq Koʻngilni ozdirmoq.
- Oʻziga agʻdarmoq 1. Oʻz tomoniga oʻtkazmoq, oʻziga tortmoq, jalb qilmoq; Gapiring, Abdishukur, juhudning pulini qanday qilib oʻzimizga agʻdaramiz? — Oybek, Tanlangan asarlar