Qidiruv

«Zard» boʻyicha 45 ta natija: Lugʻatlar

Filtr

Boʻlim

Lugʻatlar Ertaklar Shevalar

Lugʻat turi

Izohli Tarjima Terminologik

Tildan

Oʻzbekcha Inglizcha Fransuzcha

Tilga

Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

45 ta

zarda

Izohli lugʻat · yana 4 ta lugʻatda

ot 1. Oʻt, safro.

2. Jahl, gʻazab, doʻq, baqirish.

Nusrat-bek uning tovushidagi zardani payqadi. — S. Nurov, Narvon

Domlamizning zardalari yomon va achchiqlari tez — M. Muhammadjonov, Turmush urinishlari

Yodgor Dilshodning unga yana zarda aralash qarab qoʻyganini ilgʻab oldi. — Oʻ. Hoshimov, Qalbingga quloq sol

Zardangiz qursin, har vaqt doʻq bilan gapirasiz! — Oybek, Tanlangan asarlar

Valiyev ataylab zarda bilan gapirgan boʻlsa-da, aslida raisdan mamnunligi sezilib turardi. — E. Usmonov, Yolqin

Zardasi tutmoq Jahli chiqmoq Sultonov zardasi tutsa ham indamadi, bagʻrini yerga berib, boshini koʻtarmay yotaverdi. — M. Mansurov, Yombi
Zardasi qaynamoq 1. Jigʻildoni bezovta qilmoq. — Xuddi qoʻrgʻoshin yutgandayman, koʻkragim ogʻir. Mana shu yerimni bossam, ogʻriydi. Qayt qilaman. Zardam qaynab turadi, — dedi Saidiy. — A. Qahhor, SarobMusa koʻsaning zardasi qaynab ketdi. — S. Ahmad, Hukmhamon yigit-lik gʻayrati soʻnmagan Toʻlamat polvon traktorchining bu gapidan zardasi qaynadi. — S. Anorboyev, Oqsoy
Zarda qilmoq Jahl qilmoq, gʻazabini sochmoq. Shundan keyin Rahim bizga zarda qildi: — Men senlarga qoʻshilmayman. — H. Nazir, Soʻnmas chaqmoqlarAyam nimaga zarda qilyapti? — Men ham bilolmay xunobman, — dedi Yorqinoy. — R. Rahmon, Mehr koʻzda

Toʻliq maqola →

zardob

Izohli lugʻat · yana 4 ta lugʻatda

ot 1. Qatiq yoki ivigan sutdan ajralib chiqadigan sargʻish suyuqlik.

Sutga yoki qatiq zardobiga qorilgan xamirdan tayyorlangan non xushtaʼmlik xossasiga ega boʻladi. — Fan va turmush

— Ha, aytganday, sal boʻlmasa esimdan chiqay depti, keyinroq xurmachaning ustini ochib qoʻygin, oʻzing bilasan-ku, bolam, yana, zardob yigʻib, uyimay qolmasin. — S. Anorboyev, Sherali

2. Kasallangan yoki jarohatlangan aʼzodan ajralib chiqadigan suyuqlik.

Shakar qoʻshib isteʼmol qilinadigan tolqon — zardobi qaynovchi barcha kishilarga davodir. — Gazetadan

3. tib. Qon va limfaning ivishidan hosil boʻladigan suyuqlik va undan tayyorlanadigan suyuq dori.

Davolash uchun yuboriladigan dorilar oʻrtasida hozirgi kunda zardob [sivorotka] vaksinalar soni ortib bormoqda. — N. Ismoilov, Kasallarni parvarish qilish

4. koʻchma Dard-alam.

Shahzodaxon shularni oʻylaydi, yuragiga yigʻilib, unga tobora ozor berayotgan zardobni qanday boʻshatish yoʻlini izlaydi. — K. Yashin, Hamza

Evoh. Bu ham toʻxtamadi, oʻtdi. Qalbga zardob boʻlib tomdi oʻkinchi. — A. Muxtor

Zardob yutmoq Dard-alam chekmoq. Suhbat qilsang Zuhra bilan gulbogʻda, Men yashirin zardob yutdim shu chogʻda. — S. Abdulla, Tohir va ZuhraBeklarning ishqidan zardob yutaman, To oʻlguncha beklarni yod etaman. — Yusuf va Ahmad
[Yuragi] zardobga toʻlmoq Dard-alamga botmoq. Xoʻp, mayli, oʻzim ham yotaverib, yuraklarim zardobga toʻlib ketdi. — N. Aminov, SuvarakYoqubjon negadir zardobga toʻlib oʻtirgan ekan, shekilli, doʻngʻillab javob berdi. — A. Qahhor, SarobIbn Sino shularni oʻylab, yuragi zardobga toʻldi-da, koʻzining bir chekkasidan yumalab chiqqan yoshni barmogʻi bilan artdi. — M. Osim, Karvon yoʻllarida

Toʻliq maqola →

zardor

Izohli lugʻat · yana 1 ta lugʻatda

sft. kt. Zari koʻp, zarli.

Ipaklik choponlarni kiyib, ustidan shoyi belbogʻ bilan bogʻlagan, amirkon etikni kiyib, zardor qalpoqni boshiga qoʻyib, boshliq koʻziga koʻringan. — S. Ayniy, Qullar

Toʻliq maqola →

zardoʻz

Izohli lugʻat · yana 2 ta lugʻatda

ot 1. Kiyimga zardan gul, naqsh tikuvchi, chevar.

Buxoro zardoʻzlari tayyorlagan mahsulotlar jahonga mashhur.

Zardoʻzlarning tillalarida Tovlanadi zarrin bir shahar. — A. Sher

2. Zardan tikilgan buyum.

— Meʼmor hazratlarining zardoʻz choponlari mahkamada shay turibdi, — dedi. [Hoji tabib]. — Mirmuhsin, Meʼmor

Toʻliq maqola →

zardali

Izohli lugʻat · yana 2 ta lugʻatda

sft. 1. Jahlli, jahli tez, serzarda.

Boʻta shu topda Sodiq tarangning zardali yuzini koʻz oldiga keltirgan edi. — S. Ahmad, Hukm

2. Jahl yoki gʻazabni ifodalaydigan, jahl aralash.

— Dastavval Boʻtavoy degan baloni oyoqdan yiqish kerak, — dedi Azimboyvachcha zardali, lekin surnaydek ingichka ovoz bilan. — S. Ahmad, Hukm

Nazar shu alfozda — ufqlarga bir oz zardali, lekin qatʼiyat bilan tikilib turishida Kozimga yoqib ketdi. — E. Usmonov, Yolqin

Toʻliq maqola →

zardoli

Izohli lugʻat · yana 2 ta lugʻatda

sft. shv. Oʻrik daraxti va uning mevasi.

Bu vaqtda ota-ona zardoli ostidagi chorpoyada choyxoʻrlik qilishayotgandi. — Yoshlik

Zardolilar pishipti, Top koʻchaga tushipti. — O. Sobirov, Kelinoy

Birini sotdik, birini kesdik. Qishloq joyda turib, zardolini shahardan sotib olamiz. — Yoshlik

Toʻliq maqola →

Hammasini koʻrish · 45 →