ot 1. mif. Xalq ogʻzaki poetik ijodida keng tarqalgan, oʻta xunuk qari kampir sifatida tasvirlanadigan, duch kelgan hamma narsani yeb-yutib yuboradigan afsonaviy maxluq; jodugar.
Yalmogʻiz kampir.
Kunbotarda bir yovuz Dev bor emish, yalmogʻiz. — H. Olimjon
2. koʻchma Hamma narsani yeb-yutadigan, quritadigan; yuho.
Dollarga topingan yalmogʻizlarning Qonli xurujiga chek qoʻying tezroq. — Uygʻun
Bu yalmogʻiz qashshoqlikning zaharli tomirlari oʻz rizqini qayerdan va qanday olishini yaxshi bilib oldi. — M. Ismoiliy, Fargʻona tong otguncha