Қидирув

от 1. Арзимаган нарса учун қилинадиган жанжал; машмаша, инжиқлик.

Шунинг оқибатида Акобир Мастуранинг барча хархашаларини кўтара бошлади. — Ш. Холмирзаев, Бодом қишда гуллади

2. Бирор ишни бажаришдаги қийналиш; қийинчилик, ташвиш; дахмаза.

Асаларичиликнинг хархашаси кўп бўлади. Табиий газ аҳолини кўп хархашалардан озод қилди.

сфт. 1. Қийинчилик билан бўладиган, серташвиш, дахмазали.

Хархашали иш.

2. Хархаша қиладиган, серхархаша; инжиқ.

Хархашали бола.

от Хархаша қилувчи, жанжалкаш; инжиқ.

Хархашачи бола.

сфт. 1. Хархаша қилмасдан, жанжалсиз, тинч, осойишта.

Хархашасиз яшамоқ.

Бу йилги қиш хархашасиз ўтмағуси. — Ғ. Ғулом, Кўкан

2. Хархаша (жанжал ёки инжиқлик) қилмайдиган, тинч яшайдиган.

Хархашасиз бола. Хархашасиз оила.

3. Осонгина амалга ошадиган; ташвишсиз.

Хархашасиз иш.

Жанжалсиз, бежанжал, хархашасиз, тинч.

Турсуной нима қилсин? Машинани ташлаб, бежанжал, бехархаша қўл теримига қайтиб келсинми? — И. Раҳим, Зангори кема капитани

сфт. 1. Ҳадеб хархаша қилаверадиган, жуда инжиқ; эркатой.

Серхархаша бола.

Айниқса, Мавлон аканинг тўрва қоқдиси — икки яллар Нишонтой жуда серхархаша бола. — Ҳ. Ғулом, Машъал

2. Инжиқ; нозиктабиат; ҳеч нарса ёқмайдиган.

Серхархаша аёл.

Ёʻлга чиққандан бошлаб камгап, хомуш бўлиб қолган Ғаввос Андхудан чиқиб, қум ичига киргач, серхархаша, гап ёқмайдиган бўлиб қолган эди. — Мирмуҳсин, Меъмор