Поиск

ot Pastga egilgan, quyi solingan.

Mevali daraxtning boshi xam. — Maqol

Qiz boshini xam qilib, bemorlar xalatida uning ortidan yurdi. — Yoshlik

ot Odatda unni suv, yogʻ, tuxum yoki sutga qorishdan hosil boʻladigan yumshoq choʻziluvchan qorishma; yarimfabrikat.

Kampir kechga yaqin xamir qorib, oshirgani qoʻydi. — S. Ahmad

Adolat xamirni yoyib, soch tolasiday ingichka, chiroyli qilib kesib berdi. — S. Zunnunova, Olov

Xamirga solish uchun sariyogʻ margarin, dogʻlab sovitilgan paxta moyi, eritilgan qoʻy yogʻi ham tavsiya qilinadi. — K. Mahmudov, Oʻzbek taomlari

ot 1. Don, gʻalla va shu kabilar qoʻyish va saqlash uchun qurilgan maxsus joy; kandik.

— Bir kun omborda qarab tursam, xampaning burchagi kamar boʻlib qoldi, shuvullab ketyapti, qani endi toʻxtasa. — S. Mahkamov, Shogird

2. maxs. Tegirmon qurilmasining tortiladigan don solinadigan qismi.

Aylana-yotgan tegirmon toshlari orasiga xampadan bugʻdoy toʻkilib turar edi.

3. Novvoyxonalardagi xamir qoradigan va oshiradigan katta idish; xamir togʻora.

Yuz tonnali xampada xamirlar gupuradi. — Gʻ. Gʻulom

Xampasida bir kaft un qolmay, tanqislikka uchragan xonadonlarda bu nom tez-tez tilga olinar edi. — S. Anorboyev, Sayli

4. s. t. Ayrim dehqonchilik mashinalarining sepiladigan urugʻ, oʻgʻit va shu kabilarni ortib yuradigan yashiksimon qismi.

— Shu xampani besh yuz kilogramm chigit sigʻadigan qilib yasab bering, oʻn minutda chigit tugab qolib, xunob qilyapti, — iltimos qildi u. — R. Rahmonov, Tinib-tinchimas

ot ad. Sharq xalqlari mumtoz adabiyotida bir muallifning 5 dostondan iborat yirik asari.

Navoiy Xamsasin oʻqidim takror — A. Oripov

ot 1. ayn. Buqalamun.

Koʻpchilik xameleonlar oʻpkasida xaltasimon oʻsiqlari boʻladi. — OʻzME

2. koʻchma s. t. Oʻz manfaati yoʻlida har qanday sharoitga tez moslashadigan odam.

Xameleon odam.