Қидирув

сфт. 1. Одатдаги, ўнг, тўғри деб қабул қилинган ҳолатга, ёʻналиш, тузилиш, тартиб ва шу кабиларга қарама-қарши бўлган; терс.

Тескари иш. Бўлувга тескари амал — кўпайтирув. Кепкани тескари киймоқ. Китобни тескари ушламоқ. Стулга тескари ўтирмоқ. Сўзни тескари ўқимоқ. Сув тескари оқмайди.

Қўлимга тушганида, юзига куя суриб, эшакка тескари миндирар эдим-у, бозорнинг ўртаси билан ҳайдаб, тўппа-тўғри қозининг ҳузурига олиб борар эдим. — П. Турсун, Ўқитувчи

Бўта, қуруқ чойни нонсиз иссиқ-иссиқ ҳўплаб, чойнакнинг қопқоғини тескари ёпиб, ичига иккита ўн тийинликни ташлаб, ўрнидан турди. — С. Аҳмад, Ҳукм

2. Қарама-қарши томон, ўнг бўлган томонга қарши, терс.

Узоқ ўйлаб турмай, бу кунги Тиктепанинг гузарга тескари то-монидан ўзи учун бир бошпаноҳ очиш қарорига келади. — А. Қодирий, Обид кетмон

Мен қаёққа бошласам, меҳмон юрмайди, тескари томонга ёʻл олади. — Гулдаста

3. Қарама-қарши, хилоф, зид.

Агар биронта иш унинг \Хушрўйнинг\ тилагига тескари кеца, шовқин-суронни худди бошига кийиб олар эди. — А. Қодирий, Ўтган кунлар

Киши кўринишда ва муомалада бир хил, ҳақиқатда, ички жиҳатдан тамом тескари бўлиб қолиши мумкин. — П. Турсун, Ўқитувчи

4. Ақл-одоб. иш-фаолият ва шу кабиларда ўзаро зид, бир-бирининг акси бўлган, бир-бири билан келишмайдиган ҳолатли.

Шайхулисломнинг Улуғбек мирзога очиқдан-очиқ тескари бўлиб олганини кўрган Тархон ёқасини ушлади. — Мирмуҳсин, Меъмор

5. Бирор нарсанинг орқа томони, орқаси, астари.

Газламанинг тескариси. Кўрпанинг тескариси.

Битта кулчани кафтига тескари қўйиб туриб, мушти билан ўртасига урди — Ҳ. Ғулом, Машъал

6. кўчма Бир-бири билан гаплашмайдиган, аразлашган.

Улар бир-бирлари билан тескари бўлиб қолдилар.

Олти ойдан бери юз кўришмаган қайната-куёв бирга ишлашяпти-я? Бир ҳисобдан яхши бўпти. Токайгача тескари бўлиб юришади. — Р. Раҳмон, Меҳр кўзда

от Ижтимоий тараққиёт, инқилобий ҳаракат кабилар душмани, сиёсий реаксия тарафдори.

Марғилонда Саркор бошлиқ тескаричилар Нурхонни ўлдириш вазифасини унинг акаси Маматга юкладилар. — М. Исроилов, Драматургияда детал

Хат узоқдан келмаганлиги, шу ернинг ўзида ёзилганлиги, унда тескаричилар вакилининг қўли борлигини айтишди. Ҳ. Нуъмон ва А. — Шораҳмедов, Ота

от 1. Тескари ҳолатлилик.

Эгнидаги кўйлакнинг тескарилигини сезмабди.

2. с. т. Ўжарлик, қайсарлик, терслик.

Мунча тескарилик қиласан.

рвш. Тескари ёʻналишда; қарама-қарши томонга, орқага қараб.

Ҳеч қачон Қуёш тескарисига юрадими?

Мен бу ёқдан қарз бераверсам, сен бола-чақанг билан еяверсанг, қачон тўлайсан? Замон бундай тескарисига айланиб, инсондан имон қочиб турибди, ахир. — П. Турсун, Ўқи-тувчи

кам қўлл. Қарама-қарши ёʻналишда, тескари ҳолда.

Тескарисича иш тутмоқ.

Сайт ташрифчиларининг фикр ва тақризларини йиғиш. Фойдаланувчилар билан тескари алоқа ўрнатишнинг энг содда ва стандарт усули – сайтда хатлар учун электрон манзилни жойлаштириш. Тескари алоқа махсус форма орқали ҳам амалга оширилиши мумкин. Ниҳоят, тескари алоқа воситаси сифатида форум ҳам ишлатилиши мумкин.инглизчаfeedbackрусчаобратная связь