от 1. Қуш ёки бошқа овланадиган ҳайвонларни тутиш учун одатда қилдан ясаладиган сиртмоқли мослама.
Тузоқ қўймоқ (қурмоқ).
[Сувонжон] От думидан эшиб тўқилган тузоқларни каклик келиши эҳтимол топилган ерларга шахмат тартибида ўрнаштирарди. — С. Анорбоев, Оқсой
2. кўчма Умуман, қўлга тушириш ёки ўзига оғдириш учун кўрилган тадбир ёки ишга солинган восита; дом.
Билмаган ишга уринма, Уриниб тузоққа илинма. — Мақол
Лекин ўзи лапашанг бўлса ҳам, бало! Қора-сувнинг гулдай қизини тузоғига туширган. — О. Ёқубов, Излайман
Жон талвасасида қолган душман Умурзоқ отани тузоққа тушириш ёʻлига ўтди. — Ш. Рашидов, Бўрондан кучли
[Солиҳбой:] Хайрият, бу иш ҳам хамирдан қил суғургандай жўнгина битди. Ғофирни энди бутунлай ипсиз тузоққа илинтирдим. — Ҳамза, Бой ила хизматчи
- Тузоқ қўймоқ 1. Қуш тутиш учун тузоқни мослаб, жой-жойига қўймоқ; Муҳиддин пулга тузоқ қўйиб, энди бошқа шаҳарларга ҳам қатнайдиган бўлиб қолди. — С. Абдуқаҳҳор, Уй остонадан бошланадиСодда ота, онамизни уриб ёʻлдан, Бизга тузоқ қўймоқдалар ўнг-у сўлдан. — Муштум
- Тузоққа тушмоқ (ёки илинмоқ) 1. Тузоққа кирмоқ, банд бўлмоқ ( Тузоқларга бешта каклик тушибди (илинибди);Фақат Нигора ўзиники бўлса, қўлидан чиқиб кетмаса, унинг тузоғига илиниб қолмаса бас. — С. Анорбоев, Оқсой