Қидирув

от 1. Тепаси юмалоқ, доира шаклли, текис мўйна жиякли иссиқ бош кийими.

Савсар телпак.

Кимки, оёғи толиб, сал орқада қолса, тулки телпак кийган бадқовоқ қўрбоши бешотар қўндоғи билан унинг курагига туртиб, пештаҳам сўзлар билан сўкади. — Ҳ. Ғулом, Машъал

2. с. т. Мўйнали ҳар қандай иссиқ бош кийими (қулоқчин, папах, тумоқ ва шу кабилар).

Мен Раҳимовни оддий кишилар, солдатлар орасида учратдим, унинг устида пўстини ва бошида қоракўл телпаги бор эди. — А. Раҳмат, Генералнинг шуҳрати

Ўрта бўйли, озғин, қора чарм телпакни бошига бостириб кийган кишини учрацам, Гавҳарнинг дадасимикан, деб юрагим ўйнаб кетади. — С. Сиёев, Ёруғлик

Усубалининг сербар телпак остидаги калласи барра пўстин ичига кириб кетди. — М. Исмоилий, Фарғона тонг отгунча

сфт. Бошида телпаги бор, телпак кийган.

Эргаш перронда чемодан кўтариб турган тулки телпакли йигитнинг ёнига борди. — И. Раҳим, Чин муҳаббат

Шайхнинг кўзи ташқарида, қабристон томон эшагини нуқиб келаётган телпакли кишида эди. — С. Сиёев, Аваз

от 1. айн. Телпакдўз.

Унинг келиб чиқиши ҳам камбағал оиладан — бир телпакчи косибнинг ўғли эди. — Мирмуҳсин, Умид

2. Телпак сотувчи; телпакфуруш.

от Телпак тикадиган, тайёрлайдиган косиб.

Бу кўчада бой савдогар, узангисоз, саррож, маҳсидўз, кавушдўз, телпакдўз, дурадгор каби ҳунармандлар бор эди — М. Муҳаммаджонов, Турмуш уринишлари

от Телпак тикиш иши, касби.

Телпакдўзлик қилмоқ.