Қидирув

от 1. Бирор нарсанинг ҳақлиги, тўғрилиги ёки маъқуллигини тан олувчи сўз, имо-ишора кабилар; маъқуллаш, тўғри деб билиш.

Акбаров унга тасдиқ маъносида бош ирғаб, Маҳкамга гапиришда давом этди. — П. Қодиров, Уч илдиз

Уста Олим тасдиқ ишорасини бериб: — Сўзлай берингиз! — деди. — А. Қодирий, Ўтган кунлар

Болалардан тасдиқ жавобини олгач, пўписа қилди — С. Кароматов, Олтин қум

2. Тўғри, ҳақиқат эканликни қайд этувчи нарса, факт; исбот.

Халқ демократияси мамлакатлари билан дўстлик, ҳамкорлик мустаҳкамланганлиги байналмилалчилик ғояларининг амалий тасдиғидир. — Газетадан

3. Маъқулланганлик ҳақидаги расмий қайд, қарор.

Лойиҳани тасдиқдан ўтказмоқ.

Мана бу — бўлимнинг бутун тасдиқлардан ўтган тематик плани. — С. Кароматов, Олтин қум

4. Инкорга зид мазмунли.

Тасдиқ гап.

Кесими инкор шаклида бўлиб, таркибида қандоқ, нима, озмунча сўзлари иштирок этган гаплар тасдиқ фикрни ифодалайди. — ЎТА

certify, conformation, acknowledgement, conformation note, ratification, affirma-

от Тасдиқ хати.

фл. 1. Қарор билан ёки қўл қўйиб, муҳр босиб, қонуний кучга киритмоқ.

Ҳукумат лойиҳани тасдиқлади. Директор шартномани тасдиқлади. Котиба имзони тасдиқлади.

Буйруқни дастлаб бошқарма, сўнгра министрлик бирон-бир эътирозсиз тасдиқлади. — Ёшлик

ректорат ҳам унинг иккита имтиҳондан қарзи борлигини ҳисобга олиб, бу қарорни тасдиқлаганди. — Ў. Ҳошимов, Қалбингга қулоқ сол

2. Бирор иш, ҳаракат, ғоя ва шу кабиларни тўғри деб топмоқ, маъқулламоқ, тасдиқ этмоқ.

— Ота, булар чўпон эмас! — деди Бадиа. Бу гапни Зулфиқор ҳам, Заврак ҳам тасдиқлади. — Мирмуҳсин, Меъмор

— Ҳа, баракалла, — Қудрат калласини тебратиб тасдиқлади. — М. Исмоилий, Фарғона тонг отгунча

3. Тўғрилигидан далолат бермоқ, исботламоқ.

Бу факт фикримизни тасдиқлайди.

— Материални тасдиқловчи ҳужжатларингиз борми? — деб сўради. — Муштум

Унинг фикрлари ҳақлигини ҳужжатлар тасдиқлаб турибди. — Газетадан

certified, witnessed

фл. Тасдиқламоқ феълининг мажҳул нисбати.