Қидирув

сфт. 1. Ортиқ эркалатиб, талтайтириб юборилган, талтайган.

Моҳим—Хоразм хони Алломатхоннинг ягона тантиқ қизи, 18 ёшда. — С. Абдулла, Тоҳир ва Зуҳра

2. Бўлмағур қилиқлар қиладиган, қилиқлари келишмаган, бемаъни.

[Саидалимхон] Ўлгудек тантиқ. Агар бир эркаланишга тушиб кеца, киши қилмаган қилиқларни қилади. — Ойдин, Ҳазил эмиш

от Тантиқ, эрка шахсларга хос қилиқ, хатти-ҳаракат, хислат.

Боядан бери тантиқликларидан ичида кулиб келаётган Ҳафиза ўзгарди — Мирмуҳсин, Умид

фл. Тантиқлик қилмоқ, талтайиб эркаланмоқ, суюлмоқ.

Эъзозхон очилиб кулди-да, нимчасини ечиб узатди: — Мана, суюнчи, жоним! Тозагул тантиқланди: — Бу билан қутулмайсиз. Чақалоғимга бош-оёқ сарпо қиласиз. — Ҳ. Ғулом, Машъал

Рисолат Сабоҳатга ўхшаб тантиқланмади, бамайлихотир ўтираверди. — Ф. Мусажонов, Ҳиммат