фл. 1. Таламоқ феълининг биргалик нисбати.
2. Ўзиники қилиш учун тиришиб ёпишмоқ, айтишмоқ, олишмоқ.
Жой талашмоқ.
Талашиб, тортишиб, кўпроқ олган бир аёл ўз насибасидан Бувинисонинг косасига озгина солиб берди. — П. Турсун, Ўқитувчи
Йигит, бошлиқ билан пул талашиб, айтишиб қолгани эсига тушиб, яна зардаси қайнади. — М. Мансуров, Ёмби
3. Даъволашиб уруш-жанжал қилмоқ, низолашмоқ, уришмоқ.
Тахт талашмоқ.
Нега подшолар уришади? — Ер-сув талашиб уришади! — П. Турсун, Ўқитувчи
Қайнсинглисининг уй-жойини талашиб нима қиларди? — Буниси ўзига аён. — Газетадан
4. Баҳслашмоқ, тортишмоқ.
Деворга орқасини бериб, ёнма-ён турган ўрта ёшдаги икки аёл нима ҳақидадир талашмоқда эдилар. — Н. Сафаров, Олияхон Султонова
Баҳслашадилар, ҳар ким ўз ёнидаги билан талашади. — А. Қодирий, Улоқса
- Бир қориндан талашиб тушган
- Бўй талашмоқ Бўйи бараварлашмоқ. Эрта-индин маккажўхорингиз ўзингиз билан бўй талашиб қолади. — С. Кароматов, Ҳаёт қандай яхшиЁʻл ёқасида бўй талашиб ўсган тераклар чўл шамолида оҳиста шовуллайди. — Ўзбекистон қўриқлари
- Гап талашмоқ Ўзиникини маъқуллаб гап айтишмоқ. Икки қизча мактабдан келаётиб, гап талашиб қолишди. — Ҳ. Назир, Чўл ҳавоси
- Жон талашмоқ 1. Жон олиб, жон бермоқ; қаттиқ курашмоқ. Олисда қонли уруш бормоқда, шаҳарлар ёнмоқда, одамлар ёвуз душман билан жон талашмоқда эдилар. — С. Аҳмад, Уфқ
- Қон талашмоқ 1. Тўқ қизил, кўкиш қизил рангга кирмоқ. У қон талашиб турган чўл уфқига сокин термилганча ётаверди. — С. Сиёев, АвазҚон талашган кўзлар.Қон талашган юзлари тирсиллаб ёрилиб кетгудай. — Муштум