Qidiruv

ot etn. Uylanuvchi yigit tomonidan biror xonadonning voyaga yetgan qizini koʻrish va uni kelin qilib berishga qiz tomon roziligini soʻrash uchun vakil qilingan kishi.

Yaxshi otga qamchi kerakmas, Yaxshi qizga — sovchi. — Maqol

Qish ichi ham keti uzilmagan sovchilar bir-ikki haftadan beri kelishdan toʻxtaganlar. — Choʻlpon, Kecha va kunduz

Qoʻshni mahallalik Oriyat buvining unikiga sovchi qoʻyishi Salomat xolaning yetti uxlab tushiga kirmagan edi. — Saodat

Ahmad negadir parishonroq boʻlib yurgan kunlarning birida katta qiziga sovchi keldi. — S. Nurov, Maysalarni ayoz urmaydi

ot Qiz koʻrish va qiz tomon roziligini soʻrash maqsadida birovning xonadoniga borish; sovchi boʻlish.

Sovchilikka bormoq. Sovchilik qilmoq.

[Onasi] Qayoqqa sovchilikka borsa, oʻgʻlingiz latta ekan, deb qaytarishardi. — S. Ahmad, Yulduz

Savri xola oʻgʻlini xijolatdan qutqarmoqchi, azobdan xalos etmoqchi, Malohatnikiga sovchilikka bormoqchi boʻldi, ammo azador uyga qanday boradi! — Sharq yulduzi

ot 1. Yasamoq feʼlidan sifatdosh.

Stol yasovchi. Guvala yasovchi. Pul yasovchi.

2. tlsh. Soʻz yasalish asosiga qoʻshilib, yangi soʻz hosil qiladigan.

Soʻz yasovchi qoʻshimchalar (masalan, ishchi soʻzidagi -chi qoʻshimchasi).

Feʼl yasovchi qoʻshimchalar (masalan, ishla soʻzidagi -la qoʻshimchasi).

3. mat. Aylanma sirt hosil qiluvchi chiziq.

Konus yasovchisi.