Қидирув

от 1. Бирор жисмдан таралувчи нурли энергия; ёруғлик, нур.

Ой шуъласи. Хатни чироқ шуъласида ўқимоқ.

Аммо офтобнинг ўткир шуъласи Кўксингни парчалаб ёрди беомон. Тарихнинг музаффар, нурли ёʻлидан Дадил бормоқдалар наслимиз ҳамон. — Уйғун

Шох ўтиннинг ўчоқни тўлдириб ловуллаётган ёлқини қорайган кўчага шуъла сочмоқда. — П. Турсун, Ўқитувчи

2. айн. Ёлқин.

Ҳамон машъала шуъласи кўриниб турган ҳовлидан анча узоқлашгач, бир дарахтнинг панасига ўтирдилар. — С. Сиёев, Ёруғлик

фл. поет. Шуъла, нур таратмоқ; ярқирамоқ, барқ урмоқ.

Қаердан тушаётгани номаълум бўлган кучли нур остида бу ердаги амакиларнинг кийимлари кўз олгудек шуълаланарди. — Ёшлик

Шуълаланиб, шарқираб ётар Кўк сувларда ой синиқлари. — Ш. Раҳмон, Юрак қирралари

Унинг тепасида шуълаланиб, узоқ-узоқлардан кўзга ташланиб турадиган чироқ. — Э. Самандар, Тангри қудуғи

Я верю силам правды. В ее сиянии, как тени, исчезают сомнения и безверие. (Айбек.), Аналогия: Правда берет верх. Правда всегда восторжествует. Да здравствует солнце, да скроется тьма! (А. С. Пушкин.)