Қидирув

от 1. дин. Худонинг, пайғамбарларнинг шаънига айтилган мақтов сўзлар; мадҳия, мадҳ, ҳамд.

Отанг борми, энанг борми элингда? Худонинг саноси борми тилингда? — Равшан

2. Умуман, мақтов, мадҳия.

Зикри сано тилида, Тилло камар белида. — Ҳасанхон

Гуллар қўшиғи Наргизнинг мислсиз ҳусн-у жамолини, унинг ёрига чексиз садоқатини сано этмоқда эди. — Ш. Рашидов, Асарлар

от Доналаб санаш, ҳисоблаш ва ундан олинадиган натижа.

Саноқдан адашмоқ. Саноғига етолмаслик.

Тўғонбек ёзув-чизувга, саноққа берилиб, дастурхонга қарамади ҳам. — Ойбек, Навоий

от Халқ хўжалигининг хомашёни қайта ишлаш, ер ости бойликларини қазиб олиш, ишлаб чиқариш воситаларини ва кенг истеъмол молларини яратиш ва шу кабиларни қамраб олувчи тармоғи; индустрия.

Оғир саноат. Енгил саноат Озиқ-овқат саноати. Саноат маҳсулоти.

Водийда саноат корхоналарининг қурилиши кўплаб одамларнинг иш билан таъминланишига сабаб бўлди. — Газетадан

от тар. Теридан қилинган идиш; тери тўрва; меш, мешкоб.

Хазиначининг айтишича, унинг хуржунида икки саноч олтин бор экан. — Ш. Холмирзаев, Қил кўприк

У [Лола] бир саноч қимиз билан катта заранг косада яхна гўшт, нон олиб чиқди. — Ё. Шукуров, Биринчи парвоз

Убайдулла ака қўли саночдаги қимиздан косага қуйиш билан банд — Ш. Бўтаев, Қўрғонланган ой

от 1. бот. Қарағайгуллилар оиласига мансуб, доим яшил манзарали дарахт; қарағайнинг бир тури.

Қоматинг гулшандаги сарв-у санобар-дин баланд — Фурқат

қийшайиб ўсган ёлғиз санобар остидаги ёғоч ўриндиқда чекиб ўтирган эди. — Ш. Холмирзаев, Сайланма

2. поет. Қадди-қомати келишган, хуш-қомат, сарвқомат.

3. Санобар (хотин-қизлар исми).