Поиск

fl. ayn. Sanqimoq.

ot 1. Tarozi pallalarini tenglashtirish yoki idish ogʻirligini chiqarib tashlash uchun tarozining bir tomoniga qoʻyiladigan qoʻshimcha tosh.

Taroziga posangi qoʻymoq.

Tarozibon gangib qolib, posangi toshni shimining choʻntagiga soldi. — M. Muhamedov, Qahramon izidan

2. koʻchma Tenglik, muvozanat.

Ashurmirzo posangisini yoʻqotib, yerga oʻtirib qoldi. — M. Ismoiliy, Fargʻona tong otguncha.

Ha, tabiat adolatli, azizim, u doim tarozining posangisini teng ushlaydi. — Yoshlik

Muhabbatda boy ila gadoy Posangisi bir emish azal. — M. Ali, Boqiy dunyo

3. ayn. Balansir 2.

4. Turli mashina va konstruksiyalarga taʼsir qiladigan kuch va momentlarni muvozanatlash uchun biriktiriladigan qoʻshimcha yuk.

ot 1. shv. Katta tosh hovoncha.

2. koʻchma Qoʻpol, besoʻnaqay odam haqida.

1. Tarozi pallasini tenglashtiruvchi toshsiz; oʻlchov toshisiz; posangisiz.

Beposangi tarozi.

2. koʻchma Oʻlchovsiz, cheksiz.

Yoshligimning tarozusi beposangi, Bir pallasi bahor toshi bilan ogʻir. — U. Nosir, Yurak