от 1. Кишиларнинг ўзаро учрашган пайтларида урф-одатга кўра бир-бирига айтадиган сўзи.
Алангали салом. Қизғин салом. Салом ҳам фарз, алик ҳам фарз. Бир кун туз ичган жойга қирқ кун салом бер. — Мақол
— Салом, профессор!Хуш келибсиз, — деди Ҳамза ва Степановга қараб қулочини очди. — К. Яшин, Ҳамза
Ғуломжон эгилиб салом берди, соғ-саломатлик сўради. — М. Исмоилий, Фарғона тонг отгунча
2. тар. Амир, хон билан эрталабки учрашув ва ундаги салом-алик маросими.
Эрталаб хоннинг ҳарамдан чиқиш вақти яқинлашган, салом ва истиқбол учун хослардан саккиз-тўққиз киши йиғилган эдилар. — А. Қодирий, Меҳробдан чаён
3. этн. Келинчакни тўйдан кейинги кун эрта билан олиб чиқиб, куёвнинг ота-оналарига, қариндош-уруғларига таъзим қилдириш маросими ва умуман келинчаклар таъзими; келинсалом.
Эрталаб, одат бўйича, Нури тўр рўмол ёпиниб, бешикдаги боладан то кексаларга қадар — ҳаммага салом қилар экан. — Ойбек, Танланган асарлар
[Роҳила:] Жон қизим, эрингни иззат қил! Қайнанангни иззат қил! Эрталаб саломга чиқаётибсанми? — А. Қаҳҳор, Оғриқ тишлар
4. Саҳнада, ўйин-томоша майдонларида актёрларнинг томошабинларга таъзими.
Зулфизар рақсини тугатиб, маҳлиё бўлиб ўтирган томошабинга салом қилиши билан, бирдан ҳамма ёқни гулдуратиб қарсаклар кўтарилди. — К. Яшин, Ҳамза
5. Салом (эркаклар исми).
- Дуойи салом
- Салом айтмоқ Ҳаводан айланиб учган турналар, Бориб бизнинг элга салом айтинглар, Эй азиз турналар, менинг тилимдан Дўст-у ёронларга салом айтинглар. — Тоҳир ва Зуҳра
- Салом алайкум
- Салом ёʻлламоқ Бирор шахс ёки нома орқали салом айтиб юбормоқ. — Ҳаммалари соғ-омон, — деди Низомиддинхўжа. — Сизга матбаа, газеталардаги муҳаррир, мусаҳҳиҳ дўстларингиз салом ёʻллашди. — К. Яшин, Ҳамза
- Салом ёʻқ, алик ёʻқ Тўсатдан, ҳеч кутилмаганда, дабдурустдан. У киргач, салом ёʻқ, алик ёʻқ, томдан тараша тушгандай: — Нималар деб валдираяпсан, — деб ўшқирди. — Муштум
- Саломини еб қўймоқ Кўпинча, салом бермаган болаларга айтиладиган ҳазил ибора. Эрта туриб кеч келди, Саломини еб келди. — Бойчечак
- Соясига салом бермоқ
- Салом оғаси Супачалар устида удайчи, шиғовул, салом оғаси, тунқотар ва дарбон каби ташрифот ходимлари ўтирардилар. — С. Айний, Жаллодлар