sft. 1. Yaxshi, tuzuk, durust, qulay.
Oz soʻz — soz soʻz. — Maqol
Ish quroling soz boʻlsa, mashaqqating oz boʻlar. — Maqol
Namangan boraman, sozdir havosi, Mevalari shirin, dardning davosi. — S. Abdulla
Bu gulshan soz edi, soz ustiga soz etgali keldik. Qadrdonlarni shod aylab, sarafroz etgali keldik. — Habibiy, Tanlangan asarlar
2. Oʻzaro yaxshi munosabat, muomala; hamjihatlik, inoqlik, ittifoqlik.
Qarindoshlar bilan sozingiz chiqmas emish. — N Norqobilov, Bekatdagi oq uycha
3. mus. Sozlangan, sozi toʻgʻrilangan.
Dutor hali soz emas.
4. Musiqa asbobi torlarining yoki musiqa asboblarining oʻzaro mos tovush uygʻunligi.
Royalning sozi buzilibdi. Sozini toʻgʻrilamoq.
- Soz tuproq Mexanik tarkibiga koʻra eng ogʻir tuproq turi. Agʻdarma mashinalar yoʻl ochilayotgan joyga soz tuproq tashib keltirmoqdalar. — Gazetadan
- Soz(i) kelmoq Gapi, feʼl-atvori mos kelmoq. [Ziyodulla:] Safar aka, bilasiz, bizning Tarlonning toʻrigʻingiz bilan sozi kelmaydi. Vaqtini topdimi, jiqqamusht boʻladi. — T. Murod, Ot kishnagan oqshomHangomasi soz kelmasmi, Har kimning tengquri boʻlsa. — Oq olma, qizil olma