Hayot Foundation loyihasi
Loyiha haqida
Oʻz
Oʻz

Qidiruv

«SOH» boʻyicha 55 ta natija: Lugʻatlar

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Inglizcha Nemischa Lotincha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

55 ta
soha
Izohli lugʻat · yana 10 ta lugʻatda

ot 1. Inson faoliyati, ilm-fan, madaniyat va shu kabilarning har bir tarmogʻi.

Fan sohalari. Qishloq xoʻjaligining yetakchi sohalari.

Geobotanika nomi bilan yuritiluvchi soha yer qaʼrining sir-asroridan kishilarni voqif etib turadi. — Gazetadan

Noqobil kadr, qaysi sohada boʻlmasin, rivojlanish oldidagi bir toʻsiq. — Saodat

Etnonimika sohasining hozirga qadar hal etilmagan va munozarali masalalari bor. — OʻTA

2. kam qoʻll. Maydon, yer.

Oyning toʻla tutilish sohasi (astronomiya),

Sarv yogʻochlari bilan band katta soha. — Oybek, Navoiy

Toʻliq maqola →
sohib
Izohli lugʻat · yana 5 ta lugʻatda

ot 1. Egalik qiluvchi; ega.

Uy sohibi.

Orol dengizining janubidagi shu bepoyon choʻllarning sohibi boʻlgan koʻchmanchi massagetlar kelin kutmoqda. — M. Osim, Karvon yoʻllarida

Quvurlarni almashtirib olishdan xonadon sohiblari voz kechdilar. — Gazetadan

2. Biror ilm-hunar yoki xislat, fazilatni egallagan.

[Qozi:] Yana oʻzingiz sohibi aqlsiz. — Hamza, Tanlangan asarlar

Shu tarz-da bu serqirra faoliyat sohibining merosi sheʼrlar, doston va manzumalar, hikoya va povestlar, ocherk va publitsistik asarlardan iboratdir. — Gʻ. Gʻulom, Tanlangan asarlar

3. Sohib (erkaklar ismi).

  • Sohibi davlat Davlat egasi, badavlat, davlatmand.
  • Sohibi toj Toj egasi, tojdor (shohlar, podshohlar haqida).
  • Sohib(i) karomat Karomat qiluvchi, karomatli; moʻjizakor. Odamlar Sulton devonani otashnafas vali deb maqtashar edi. Oʻsha nodon, aldangan kishilarning maqtab yurgan sohibi karomati, bir aljillab oʻtirgan bangi ekan. — M. Muhammadjonov, Turmush urinishlari
  • Qalam sohibi yoki sohib qalam Qalam tebratuvchi; yozuvchi. Seni yaxshi taniyman-ku! Sen — sohib qalam, sen — shoirsan. — A. Oripov
Toʻliq maqola →
sohil
Izohli lugʻat · yana 6 ta lugʻatda

ot 1. Suv havzalarining cheti; boʻy, qirgʻoq.

Chakalakzordan bir hakka shaq-shaqlab, uzun dumini choʻzgancha, narigi sohilga uchib ketdi. — S. Nurov, Maysalarni ayoz urmaydi

Daryo sohilidagi tabiiy yashil maysazorlar, chakalakzorlar atrof muhitga katta ijobiy taʼsir koʻrsatadi. — Fan va turmush

2. Suv havzalari boʻylab joylashgan yerlar.

Kumush rangli bulutlar Suv oladi Oroldan. Lolazorga aylanar Sohil erta bahordan. — Z. Diyor

Toʻliq maqola →
sohir
Izohli lugʻat · yana 2 ta lugʻatda

sft. Sehrli, fusunkor.

Sohir koʻzlar.

Togʻ qizlarin ibo, nazokatlari Kuzning ruxsorida boʻladi zohir, Unsiz latofatdir marhamatlari, Goh ular hikmatli, gohida sohir. — A. Suyun, Zamin taqdiri

Qizlikning eng maʼsum, sohir tuygʻulari Abdulmoʻminga baxshida boʻlmaganmidi? — A. Ibodinov, Latofat doʻkonidagi qatl

Toʻliq maqola →

Hammasini koʻrish · 55 →