sft. 1. Podsholarga xos, shohlarda boʻladigan; oliy darajadagi, juda yaxshi.
Shohona kiyim. Shohona jihoz. Shohona kiyinmoq. Shohona yashamoq.
Butun majlisni
[Husayn Boyqaro] oʻzining shohona ziyofatiga taklif etdi. — Oybek, Navoiy
Shu orada tiktirdi oʻziga libos, Bir liboski, shohona, shoh qiziga xos! — Shuhrat
Oʻziga oʻzi zehn solib, shohona qadam bilan zalga qarab yurdi. — Sh. Xolmirzayev, Ogʻir tosh koʻchsa
2. koʻchma Dabdabali, hashamatli.
Pulingiz sandiqqa sigʻmayotgan boʻlsa, kaminaga bering, men oʻzim shohona uy-joy qurdirib beraman. — O. Yoqubov, Diyonat
Mana shu yangi imoratda dabdaba bilan shohona toʻy bermoqchi boʻlib, chor tomonga chopar choptirdi. — Mushtum
3. koʻchma Eng yirik va eng yaxshi, olamshumul.
Kosmosga birinchi odamning parvoz qilishi kishilar ijodiy mehnatining shohona samarasi boʻldi. — Gazetadan
Uning [Pushkinning) shohona asarlari yana koʻplab yangi sanʼat durdonalarini yaratishga asos boʻldi. — Gazetadan