Қидирув

от 1. Бирор иш-ҳаракатни бажаришга интилиш, берилиш ҳолати, даражаси.

Мамат полвон, дейман, ютқизган кишидай шахтингиз паст. — С. Анорбоев, Меҳр

Ҳозир 10-бригадада ўзи машина ҳайдаяпти. Шахти дуруст. — Қаҳрамоннома

Унинг шахтин буколмас На иссиқ ва на совуқ. — Қ. Муҳаммадий

Сен ўзинг ҳам ойнага қара-чи, қирчиллама шахтинг қолмаган — Шукрулло, Умрим борича

Дайди шамол энди шахтидан қайтиб, дарахт япроқларини машаққат билан тебратмоқда. С. — Аҳмад, Қадрдон далалар

Ҳайдар тезда шахтидан тушди, атрофга қайғули ва паришон боқди. — Ойбек, Навоий

2. рвш. Бирдан, шартта, дадил.

[Умарқул] Бир минутлар чамаси ётиб қолди. Бирданига юраги ҳовлиқиб, шахт ўрнидан туриб, ёʻлга тушди. — О. Ҳусанов, Қўшиқчининг тақдири

Наимий нима бўлса бўлди, дегандай шахт кўтарди, лекин қўли қалтираб, винонинг ярми тўкилди. — А. Мухтор, Опа-сингиллар

Ғофир машинадан шахт тушиб, катта кўк дарвозага яқинлашди ва кнопкани босди. — Қ. Мақсумов, Муҳаббат қўшиғи

от Ер остидаги фойдали қазилмалар қазиб олинадиган жой; кон.

Тош-кўмир шахтаси. Шахта ускуналари.

Шахталарда шахтёр шиддаткор Бошда каска — аскарий тахлит. Гард-қурумга беланиб, бедор Кўмирларни қулатар яхлит! — Ё. Мирзо

от Шахтада ишлайдиган шахс; кончи.

Шахтёрлар шаҳарчаси.

Шахтёрман, ер таги коним, маконим. — М. Шайхзода

Саидийни рабфакда [ишчилар факултетида] ўқийдиган қўпол, ёʻғон гавдали, новча бир шахтёрга боғлаб қўйди. — А. Қаҳҳор, Сароб

shaxtashı, kánshi

shaxtyorlıq