Изоҳли луғат
· яна 3 та луғатда
от Чайнаш учун мум ва арча ширасидан махсус технология билан тайёрланадиган модда.
Сақич чайнамоқ.
Майда савдогарлар сақич, гилвата сотишарди. — И. Раҳим, Ихлос
[Хон ўрдаси мирзосининг] Мадрасада ўқиб юрган ўғли ва уйда сақич чайнаб ўтирган ўн олти ёшли қизчаси ҳам бор эди. — А. Қодирий, Меҳробдан чаён
- Сақич бўлмоқ Ғийбат, турли миш-мишлар сабабчиси (обекти) бўлмоқ. Мен гап-сўздан қўрқмайман-у, эл оғзида сақич бўлиш, миш-мишчиларни ўчакиштириш ҳам ҳавас эмас. — А. Мухтор, Бўронларда бордек ҳаловат
- Сақич қилиб чайнамоқ Бир гапни ҳадеб гапиравермоқ, эзмалик қилмоқ. Аввало одамларнинг оғзига тушма, оғзига тушганингдан кейин, сақич қилиб чайналасан. — И. Раҳим, Зангори кема капитани