Қидирув

от 1. Ўзаро чоғиштириш, солиштириш, таққослаш; муқояса, таққос.

Таржима сифатини аниқлашнинг асосий воситаси қиёсдир. — Ғ. Саломов, Таржима назариясига кириш

У нотиқлик санъатини эринмай ўрганиши, оддий қиёслардан катта хулосалар чиқариш кўникмасини ҳосил қилмоғи лозим. — Газетадан

2. Ўхшаш, тенг, мисл.

Онамиз кўкрагин ёʻқдир қиёси, Шундан оқиб чиқар меҳр дарёси. — Ё. Мирзо

Юртим, сенга шеър битдим бу кун, Қиёсингни топмадим асло. — А. Орипов, Руҳим

Қиёсий равишда, қиёс билан қараганда; қиёсланганда, нисбатан.

Қиёсан ўрганиш. Қиёсан олганда.

Ўрданинг теварак масофасини чамалаб кўрган эдик, шунинг учун ўрданинг қай даража кенг бўлиши ҳам бизга қиёсан маълум. — А. Қодирий, Ўтган кунлар

сфт. Узаро таққослашга, қиёслашга асосланган.

Қиёсий метод. Қиёсий грамматика. Сифатнинг қиёсий даражаси (тлш.).

Уларнинг [ёшларнинг] билганлари тахминий ва қиёсий бўлиб, кўпинча тарихий ҳақиқатга тўғри келмайди. — С. Айний, Эсдаликлар

teńi-tayı joq, salıstırıp bolmaytugın

фл. Нисбат бермоқ, ўхшатмоқ; ўзаро таққосламоқ.

Ёшликни баҳор фаслига қиёслайдилар — Газетадан

Равон ёʻлдан борарканмиз, бу бепоён даштни беихтиёр шахмат тахтасига қиёслаймиз. — Газетадан

Бухгалтер корхонанинг ўтмиши ва ҳозирги турмуши, хўжалигини қиёслаб, чўтга сола кетди. — Газетадан

фл. Қиёсламоқ феълининг мажҳул нисбати.