Qidiruv

ot 1. Asrash, oʻstirish, voyaga yetkazish uchun qilinadigan harakat.

Gʻoʻza parvarishi. Daraxtdan meva olaman desang, niholni parvarish qil. — Maqol

Sifatli parvarish — yerga oroyish. — Qanotli soʻzlar

2. Tarbiyalash, voyaga yetkazish, boqish kabi maqsadda qilinadigan harakat; qarov, boquv, tarbiya.

Chaqaloq esa ona hidiga, uning parvarishiga, koʻkrak sutiga muhtoj edi. — Gazetadan

Kampirning gaplari menga kulgili tuyulsa ham, hurmat yuzasidan hamda bolaga yaxshi parvarish qilish zarurligi vajidan bir nima demasdan, unga tasallo berar edim. — Gʻ. Gʻulom, Yodgor

sft. Parvarishi yoʻq, qarovsiz.

Parvarishsiz daraxt. Ipak qurti bir kun ham parvarishsiz qolmasin.

Fransuzlar dunyoda xunuk ayollar yoʻq, faqat oʻziga oro bermagan, parvarishsiz ayollargina bor, deb hisoblashadi. — Saodat

fl. Parvarish qilmoq, qaramoq; boqmoq, tarbiyalab oʻstirmoq, undirmoq, voyaga yetkazmoq, oyoqqa qoʻymoq.

Bogʻni parvarishlamoq. Bemorni parvarishlamoq.

Bu kambagʻal bobo mardikor ishlab, bolalarini oʻqitib, parvarishlab yurar ekan. — M. Mahmudov, Bulbuligoʻyo

Oʻz uyiday boʻlib qolgan bu xonadondan oyogʻi uzilmayotgan Meli, Enani xuddi endi atak-chechak qila boshlagan goʻdakday parvarishlardi. — Yoshlik

fl. Parvarishlamoq feʼlining majhul nisbati.

Кто саженцы выращивает, того и страна вскормит.