от 1. Бутундан кесиб, қирқиб, йиртиб, синдириб олинган ёки ўзи ажраган қисм; бўлак, бўлакча.
Қоғоз парчаси. Бомба парчаси.
Баҳодир каллакланган тол орасидан суяк, совун парчаларини олар экан, бирдан Нилуфарнинг елим қўғирчоғи чиқиб қолди. — С. Аҳмад, Юлдуз
Кекса ишчи сўнгги гўшт парчасини оғзига солди. — А. Қаҳҳор, Қаноциз читтак
Дераза ойналарига йирик қор парчалари оқ капалакдай уринади. — Ойбек, Танланган асарлар
2. ад. Асарнинг тугал мазмунли кичик қисми.
Романдан парча, Кўпгина оқшомхонлар ёзувчиларнинг янги асарларидан парчалар бериб боришни, санъаткорларимиз ҳақида кўпроқ ёзишимизни илтимос қилишди. — Газетадан
Абдулла Қаҳҳор, то асар битгунча, таассуротингиз бузилади, фикрингизни тўла ифодалай олмайсиз, деб ҳатто парча ўқигани рухсат бермас эдилар. — К. Қаҳҳорова, Чорак аср ҳамнафас
3. кўчма Бўлак, бўлакча, қисм.
— Ўғлим, — деди она ўрнидан туриб, юз-кўзларини бошидаги дуррасининг учига артар экан, — фарзанд — қалб парчаси. — Газетадан
- Бир парча 1. Унча катта бўлмаган; кичкина, озгина, арзимайдиган. Бир парча ер.— Бир парча нон учун сенинг эшигингда чўрилик қилиб, болаларингнинг кирини ювганман, — деди Ойимхон. — П. Турсун, ЎқитувчиЙигитали бир парча қоғозга қалам билан ёзилган хатни ўқий бошлади. — С. Кароматов, Бир томчи қонАгар уларнинг тили бўлган-да эди, ҳар бир жанг тагида кимларнинг манглай тери-ю кимларнинг бир парча умри қолиб кетганини сўйлаб берарди. — Х. Султонов, Онамнинг юрти
- Парча гулли Йирик-йирик гулли. Парча гулли лас.Хола диванга ўтирди. Бошидан қизил парча гулли жун рўмолини олиб қоқди. Пешонасини, бўйнини артди. — С. Нуров, НарвонПарча гулли чит кўйлагини ҳилпиратганча Гулзебо завқ билан ўйинга тушди. — С. Кароматов, Олтин қум