Qidiruv

sft. 1. Biror tomonga yon bosmay, qonun, adolat yuzasidan xolisona, haqqoniy ish tutadigan; adolatli, begʻaraz, toʻgʻri.

Odil odam. Odil hukumat. Odil sudya. Odil turmoq.

Rixsi bunday gaplarni, uning mehnatini, uni himoya qilib aytilayotgan bunday soʻzlarni birinchi marta eshitar, bu xilda odil odamlar borligini endi koʻrib turmoqda edi. — S. Zunnunova, Olov

2. Adolat bilan tuzilgan, adolat ruhi bilan sugʻorilgan; adolatli.

Ammo buning uchun sen taklif etgan kurash falsafasi emas, goʻzal va odil qonunlar, islohotlar kerak. — Oybek, Nur qidirib

3. Odil (erkaklar ismi).

ot 1. Odil kishilarga xos xatti-harakat.

Odamlar ogʻzida Elmurodning astoydilligi, odamshavandaligi, aqli, bilimi, odilligi, gʻayrati toʻgʻrisida gap koʻpaygach, Tojiboy yon bosishga majbur boʻldi. — P. Tursun, Oʻqituvchi

2. ayn. Adolat 1. Odillik bilan ish tutmoq.

1. rvsh . Odillik bilan, adolat yuzasidan, haqiqatga asoslanib, adolatli ravishda; begʻaraz, haqqoniy. Odilona sud qilmoq. Odilona ish tutmoq.

[Navoiy] Meningcha, xalqning talabiga odilona quloq solmoq lozim. Uygʻun va I. — Sulton, Alisher Navoiy

2. sft. vzf. Adolatli, haqqoniy; qonunga, huquqqa asoslangan.

Odilona hukm. Odilona xatti-harakat. Odilona talab.

— Vaziri buzruk, men xon hazratlarining odilona ishlarini xalqqa koʻrsatmoq taraddudidaman, — dedi Pirnazarboy. — J. Sharipov, Xorazm

ruschaправосудиеinglizchajustice

justice

odilona hukmni amalga oshirmoq administer (dispense) justice

ruschaбыть справедливымinglizchabe just