Hayot Foundation loyihasi
Loyiha haqida
Oʻz
Oʻz

Qidiruv

«OSOYISH» boʻyicha 8 ta natija: Lugʻatlar

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik
Tilga
Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

4 ta
osoyish
Izohli lugʻat · yana 3 ta lugʻatda

ot kt. Tinch, urush-janjaldan, gʻavgʻo-tashvishdan xolilik; tinchlik, xotirjamlik, tinim.

Birovning osoyishini buzmoq.

Osoyish zamondan qalbingda gʻurur, Vataning, diyoring muborak boʻlsin! — A. Oripov, Yillar armoni

Dunyo hamon osoyish, charogʻon-u chiroyli — qarab hech toʻymaysan. M. — M. Doʻst, Lolazor

Yusufbek hoji elning osoyishi va mamlakatning obodligi nomiga bu taklifni boʻyniga oldi. — A. Qodiriy, Oʻtgan kunlar

  • Koʻngli osoyish topmoq Tinchlanmoq, xotirjam boʻlmoq. Keyinroq oʻlikni hamqishloqlari olib ketganini eshitib, koʻngli sal osoyish topdi. — M. M. Doʻst, Galatepa qissalariAmmo [Elmurodning] koʻngli osoyish topmadi. — Shuhrat, Shinelli yillar
Toʻliq maqola →
osoyishta
Izohli lugʻat · yana 6 ta lugʻatda

sft. 1. Urush-janjaldan, gʻavgʻo-tashvishdan xoli; tinch, bexavotir, xotirjam.

Osoyishta shahar. Yurt osoyishta. Osoyishta yashamoq.

Shunday paytda kishining bu xilda osoyishta va hatto xotirjam boʻlishini tasavvur qilish qiyin edi. — A. Qahhor, Oltin yulduz

Goʻzal manzara ruhimizni bardam, asablarimizni osoyishta qiladi. — Saodat

2. Hayajondan, iztirobdan xoli; betashvish.

Bu qomatni [Fotimani] koʻrishi bilanoq Elmurodning osoyishta qalbida nimadir qoʻzgʻaldi. — P. Tursun, Oʻqituvchi

3. Xotirjam, bamaylixotir, bosiq.

Osoyishta suhbat.

— Kimsan oʻzing? Madamin? — dedi Abdurasul ancha osoyishta tovush bilan. — P. Tursun, Oʻqituvchi

Sergey oʻrnidan turib, oldingi stulning suyanchigʻiga qoʻlini qoʻydi-da, osoyishta gapira boshladi. — P. Qodirov, Uch ildiz

4. Sokin, harakatsiz.

Dengiz osoyishta dam olmoqda.

Chang aralash tutun halqa-halqa boʻlib, koʻkka, osoyishta boʻshliqqa intilar edi. — Shuhrat, Shinelli yillar

Toʻliq maqola →
osoyishtalik
Izohli lugʻat · yana 5 ta lugʻatda

ot Tinchlik, xotirjamlik, osoyish; betashvishlik.

Oilada Osoyishtalik buzildi va bunga sabab, kampirning gumonicha, Siddiqjonning onasi edi. — A. Qahhor, Qoʻshchinor chiroqlari

Gʻuzorda osoyishtalik yoʻqoldi. Uning kichkina va tor koʻchalarida yarim kechagacha otlarning dupuri tinmadi. — Sh. Toshmatov, Erk qushi

Hamma osoyishtalik bilan ekin-tikinga qaradi. — M. Muhamedov, Mashq

Toʻliq maqola →

Taʼriflar ichida

4 ta
oroyish

oroyish Zeb, ziynat, pardoz, oro; chiroy. Yaxshi libos tanga oroyish, Yaxshi yoʻldosh jonga osoyish. Maqol Borisov kiyim-boshlarini koʻzdan kechirib, oʻziga oroyish berdi

bedor

bedor Uyquga ketmagan, uxlamagan holatda; uyqusiz, uygʻoq. Bedor koʻzlar. Tunni bedor oʻtkazmoq. Bedor tunlar. Maktabni tugatayotgan farzandining tunlarni bekorga bedor o

kuzatmoq

kuzat Ketayotgan kishi bilan xayrlashish uchun biror yergacha birga bormoq, biror yergacha borib, chiqib, xayr-xoʻsh qilmoq; uzatmoq. Mehmonlarni vokzalgacha kuzatib chiq

koʻtarmoq

ko‘tar Yerdan yoki yotgan joyidan uzib, ajratib olmoq. Zambar koʻtarmoq. Ergash u bilan quchoqlashib koʻrishmoqchi boʻlgan edi. Normat uning belidan mahkam quchoqladi-da,