Қидирув

сфт. 1. Ранги-туси, гули кўзга яққол ташланмайдиган; содда, сипо.

Одми чит. Одми кўйлак. Одми кийинмоқ.

Ёш жувонлар гажак қўйиб, кексароқлари соч фарқини тўғри очиб, одмигина кийиниб, консертга жўнаб кетишди. — С. Аҳмад, Уфқ

Ўзбек ойим тўйга борадиган хотинлардек ясанган, эгнида одми хонатлас кўйлак, бошида оқ шоҳи дакана, кўзида сурма эди. — А. Қодирий, Ўтган кунлар

2. кўчма Оддий, содда, камтар.

Одми одам. Одми гап.

Эломонов атрофга кўз югуртирди. Хона одмироқ экан. — М. М. Дўст, Галатепа қиссалари.

от Одми бўлиш одати.

от Одмилик, соддалик, камтарлик.

Одмигарчилик қилмоқ.

от с. т. Ходимгар.

У [Мирзо] ҳордиқ оқшоми ҳаммомга тушди-ю, ходмигарлардан бирига ҳалиги сўроғини берди. — А. Қаҳҳор, Мирзо