Qidiruv

ot shv. Oʻjarlik.

Oʻrlik qilsa, aytgan soʻzga koʻndirib, Musofirga zoʻrligimiz bildirib — Yodgor

Odamlar cholni oʻrlikda qanchalik ayblamasin, lekin u joʻn turmushga koʻnikib ketolmadi. — N. Norqobilov, Bekatdagi oq uycha

ot Gʻoʻr holat, gʻoʻr ekanlik; xomlik. Mevaning gʻoʻrligi.

Shu bilan Saidiyning gʻoʻrligi natijasida tugʻilgan xavf bosildi. — A. Qahhor, Sarob

— Kechiring, mendan koʻp gʻoʻrlik oʻtdi, — dedi Nafisa. — Sh. Gʻulomov, Yorqin ufqlar

ot 1. Koʻrish qobiliyatining butunlay yoʻqolishi, yoʻqligi; soʻqirlik.

Koʻrlik tugʻma va orttirilgan boʻladi. Orttirilgan koʻrlik koʻz kasalliklari shuningdek, koʻz kosasi va bosh miya shikastlaridan soʻng paydo boʻladi. — OʻzME

2. koʻchma Narsalar, voqea-hodisalar mohiyatiga toʻliq tushuna olmaslik; ongsizlik, bilimsizlik; bexabarlik.

Siyosiy koʻrlik.

Lekin [Yoʻlchi] oʻz savodsizligidan endi juda chuqur oʻksindi: Mana, bu oʻris kitob bilan dardlashib yotibdi, labi qimirlamasa ham, gaplasha yotibdi Eh. koʻrlik qursin! — Oybek, Tanlangan asarlar

ot Izzat-nafsi poymol boʻlish, tahqirlanish.

Ket desang, Qashqar ketay, yoʻllarda yolgʻizlik yomon, Yolgʻizlikdan kim oʻlibdi, hammadan xoʻrlik yomon. — Qoʻshiqlar

Kishi ochlikka chidasa ham, xoʻrlikka chidolmaydi. — Mirmuhsin, Chodrali ayol

ot 1. Jismoniy baquvvatlik; kuchlilik; ulkanlik; shiddatlilik.

Askarning zoʻrligi. Aqlning zoʻrligi. Shamolning zoʻrligi.

2. Zoʻravonlik, adolatsizlik.

— Bu nima zoʻrlik, bek? — Mavlon aka gʻazabdan titrab soʻradi. — H. Gʻulom, Mashʼal

Bu qanday zamon, bu adolatsizlikka, bu hukm surayotgan yomonliklarga, bu zoʻrlik, zugʻum, haqorat, insonning bunchalik oyogʻosti boʻlishiga qanday chidash mumkin?! [dedi Ibni Yamin]. — K. Yashin, Hamza

Aholi gʻalayonga keldi, qoʻrqqanidan emas, zulmga, zoʻrlikka, haqiqatsizlikka chidamaganidan gʻalayonga keldi. — M. Ismoiliy, Fargʻona tong otguncha

ot Shoʻr holat, shoʻr ekanlik. Ovqatning shoʻrligi.

Yaqinda Chortoqda kovlangan quduqdagi suvning shoʻrlik daraja-si Qora dengiz suviga juda oʻxshash. — F. Sirojiddinov, Chortoq havosi