Qidiruv

ot 1. Orqa va yon tomonlari yopiq boʻlib, ichiga oʻt yoqiladigan, ovqat pishirish uchun ustiga qozon oʻrnatiladigan qurilma.

Loy oʻchoq. Yer oʻchoq. Temir oʻchoq.

Tosh oʻchoqda archa choʻgʻi yalligʻlanib turibdi. — P. Qodirov, Qora koʻzlar

Brigada buloqqa yaqinroq joydan oʻchoq kovlab, qozonni oʻrnatdi. — S. Anorboyev, Oqsoy

Kunchiqar tomonda katta oʻchoq, qozonda shoʻrva qaynab turibdi. — Ertaklar

Himmat oʻchoqda lovullab yona-yotgan oʻtga kosovni tutib papirosini tutatib oldi. — M. Muhamedov, Qimmat bilan Himmat

2. koʻchma Biror narsa paydo boʻladigan, amalga oshadigan, tarqaladigan joy; manba, markaz.

Bilim oʻchogʻi. Maʼrifat oʻchogʻi. Tarbiya oʻchogʻi.

[Elmurod] Agar oʻzi bu yerdan ketganda ham, dastlabki madaniyat oʻchogʻining abadiy qolishini oʻylab, oʻzidan-oʻzi gʻururlandi. — P. Tursun, Oʻqituvchi

Xullas, Sheroz qadimdan adabiyot, sanʼat oʻchoqlaridan biri boʻlgan, u yerda miniatyura maktabi ham rivojlangan. — Gazetadan

Mamlakatning markaziy va shimoliy tumanlarida yongʻin oʻchoqlari soni ortib bormoqda. — Gazetadan

Qumqishloq dehqonlarini qadimdan qiynab kelgan botqoqlarni isitma-bezgak oʻchoqlarini quritish uchun bir necha chaqirim uzunlikda zovur qazish kerak. — H. Gʻulom, Mashʼal

oshaqshı, oshaq soģıwshı usta

oshaqbası, oshaqqası

qishloq xoʻjalik hayvonlari yuqumli kasalliklari qoʻzgʻatuvchisi ushbu kasallikka moyil hayvonlarga oʻta olmaydigan qilib ajratib olingan, kasallik qoʻzgʻatuvchisi manbai boʻlgan joy.

“oʻchoqli” ifloslanish iborasi ifloslantiruvchi moddalarning yuqori, qisqa muddatli konsentratsiyasini tavsiflash uchun foydalaniladi. Ifloslantiruvchi manbalar yaqinida turgan odamlar ular taʼsiriga duchor boʻladi. Avtotransport gavjum harakatlanadigan shahar koʻchalari, shuningdek shaharlardagi atmosferaga ifloslantiruvchi moddalarni chiqaradigan sanoat korxonalari atmosfera ifloslanishi “oʻchogʻi” boʻladi.

formatsiya ichki strukturalarining hosil boʻlishi yer osti suvlarining qisman boʻshalishi bilan sodir boʻladi, bu hodisa dengiz suv sathiga nisbatan hisoblangan qatlam bosimining pasayishi bilan aniqlanadi. Bunday sharoitlar flyuidlarni pezometrik minimum tomon, yaʼni yer osti suvlarining boʻshalish oʻchoqlari tomon harakatlanishini taʼminlaydi. Neft-gazlar yigʻilishining pezominimumlar bilan bogʻliqligi muhim gidrogeologik qonuniyat hisoblanadi.