Qidiruv

1. Aytilganning, koʻzda tutilganning oʻzginasi; xuddi, ayni.

— Otangizga rahmat, Yusvali togʻa! — dedi boshini qimirlatib Meli polvon. — Gapning naq onasini aytdingiz-qoʻydingiz! — P. Tursun, Oʻqituvchi

2. Qoq, ayni, xuddi.

Naq yarim kechada. Naq shu paytda.

3. Oz boʻlmasa; deyarli.

Naq yiqila yozdim.

4. Rosa, obdan.

Bahorda chunonam qoʻsh tortdiki, jonivor qorabayirni naq terga tushirib yubordi. — M. Ismoiliy, Fargʻona tong otguncha

5. Boʻlmasa, aks holda.

[Samovarchi] Tovushini baland qoʻyib, oʻzicha valdirar edi: — Hoy, aravakash bola, otingni tort, naq tezagini doʻppingga solib beraman! — Oybek,Tanlangan asarlar

ot 1. Pulini darhol toʻlash sharti bilan boʻlgan yoki boʻladigan savdo muomalasi.

Naqdga olmoq. Naqdga sotmoq.

2. Qoʻlda, ixtiyorda bor, foydalanish yoki muomalaga kiritish uchun tayyor.

Naqd pul. Naqd qilmoq.

Safoxon toʻra-chi? Bu zot uning ezgu niyatini quvvatlabgina qolmay, qoʻliga naqd mablagʻ ham tutqazdi! — K. Yashin, Hamza

— Boʻldi, adash, boʻldi! — dedi Kolyaning oldiga borgan Qudrat doʻppisini osmonga tashlab. — Ruxsat arava ham naqd!. — Nazir, Soʻnmas chaqmoqlar

Soyma-soy jilib, yerlarni bir-biriga qoʻsha-qoʻsha, hozir ellik gektarni naqd qildik. — H. Nazir, Mayoq sari

3. Aniq, hal boʻlgan, tayyor.

[Fotima:] Oʻqishga kirishi naqdga oʻxshaydi Peshonam qursin seni katta qilib berganim kam ekan, endi bolasini ham katta qilib beraman, shekilli. — A. Qahhor. Asarlar.

ot 1. Xalq tomonidan toʻqilgan va avloddan avlodga oʻtib kelayotgan ogʻzaki hikoya; rivoyat.

Naqllarga, qoʻshiqqa, rivoyatlarga, Maqollarga, ertakka, hikoyatlarga Men umrimda juda koʻp quloq osibman. — M. Shayxzoda.

2. Umuman, biror kimsa, narsa yoki uning tarixi haqidagi gap, hikoya.

— Toʻxtang, men sizga bu telba ayolning naqlini aytib beray, — dedi ota — H. Gʻulom, Mashʼal

Umarqul Toʻlqin bilan Uchqunni ikki yoniga oʻtkazib olib, sayohatini naql eta boshladi. — H. Gʻulom, Mashʼal

3. Xalq tomonidan yaratilgan hikmatli gap.

Xalqimizda Hisobini bilmagan hamyonidan ayriladi degan naql bor.

ot 1. Oʻyib, tikib, toʻqib yoki boʻyoq bilan ishlangan gul, bezak.

Nafis naqshlar bilan bezatilgan bino.

Gavhar oyna ustiga solingan katta bir oʻyma naqsh oldida Mahkamni toʻxtatdi. — P. Qodirov, Uch ildiz

2. koʻchma Koʻrk, ziynat.

Odam borki, odamlarning naqshidir, Odam borki, hayvon undan yaxshidir. — Maqol

Mehnat bizda sharaf, mardlik ishidir, Mehnat fazilatdir, insonning naqshi. — E. Rahim, Yangi qadam

rvsh. Qanday, qanchalik.

Elmurod yangi maktab binosi qiliboq tarixida naqadar ulugʻ ish ekanligini, bu ulugʻ ishga ozmi-koʻpmi oʻz mehnati singganini oʻylab, oʻzidan-oʻzi gʻururlandi. — P. Tursun, Oʻqituvchi

Toshkent tongotari naqadar goʻzal. — Gʻayratiy

ot Qoʻshiqning har bir bandidan keyin qaytariluvchi, takrorlanuvchi qismi.

Yuragimga ishqing urugʻini Bilsang eding ekkanligingni. Qalbimning shoʻx, soz qoʻshigʻining Naqaroti ekanligingni. — X. Saloh