Қидирув

от 1. Мусулмонларнинг кунига беш маҳал қилинадиган ибодатлари мажмуи ва уларнинг ҳар бири.

Эр-талабки намоз. Кечки намоз. Жума намози. Намоз ўқимоқ.

Меъмор ювиниб, таҳорат қилиб, намозни ўқиб олгач, ҳовлига чиқди. Нонуштага ҳозирлик қилишни шогирдларига топширди. — Мирмуҳсин, Меъмор

2. Умуман, ибодат.

— Юсуфжон, мусулмонсан, намоз, рўза ўрнига масхарабозлик қилиб, аҳли имон, аҳли растани тоат-ибодатдан қўяр эмишсан. Ташла бу касбни, гумроҳ бўлма, — деди эшон. — К. Яшин, Ҳамза

3. Намоз (эркаклар исми).

от 1. Кун ботиш олдидан ўқиладиган намоз, беш вақт намознинг учинчиси.

2. эск. Кун ботиш олдидаги пайт.

Шу куни намозгаргача уруш бўлиб, Асқар понсад оғзидан ўқ еб ўлибди. — А. Қаҳҳор, Қўшчинор чироқлари

от Кўп одам йиғиладиган, катта маросимларда намоз ўқиладиган жой.

от 1. Тоза, намоз ўқишда кийиладиган кийим.

2. Намоз матни.

Кампирлар куни, шомдан кейин Ғаффоржон икковимизни кўчага чиқармай, намозлик ва ҳар хил дуолар ўргатарди. — А. Қаҳҳор, Ўтмишдан эртаклар

от Намоз ўқувчи; намозни канда қилмайдиган диндор киши.

Ҳамза ҳожини минг-минг намозхонлар ичида, баланд овоз билан дуо қилишди. Катталари Ҳамза ҳожи, кичик қориваччалари Ҳожи ака дейдиган бўлишди. — К. Яшин, Ҳамза

от 1. Кун ботиб, қоронғилик туша бошлаган пайт, қош қорая бошлаган вақт; оқшом.

[Тиллабой] Олдига қўйилган овқатларни хўп еб олгандан кейин, хуфтонни намозшомдаёқ чала-чулпа ўқиб олиб, дарров ухлаб қолар эди. — П. Турсун, Ўқитувчи

2. Кун ботгандан бир оз кейин ўқиладиган намоз, беш вақт намознинг тўртинчиси.

Сўзни келган ерида тўхтатиб, Ҳожибобо имом бўлган ҳолда, намозшом ўқишга қўзғалдилар. — Ғ. Ғулом, Шум бола