от 1. Ҳайвон ёки ўсимлик маҳсулоти бўлган ёғсимон модда, асосан, юқори ёғ кислоталарнинг мураккаб эфирлари ва юқори молекуляр спиртлардан иборат.
2. Асалари ўзи ишлаб чиқариб, ўзига уя қурадиган сақичсимон юмшоқ модда; ўсимлик ёки ҳайвондан олинадиган шунга ўхшаш моддалар.
Ўсимлик муми. Сунъий мум.
Асаларилар асал, мум, елимдан ташқари, ўз организмида заҳар ҳам ишлаб чиқаради. — Фан ва турмуш
Шариат Ғиёс дўзахиларга ўхшаганлар қўлида ҳар қанақа шаклга кираверадиган юмшоқ мум. — М. Исмоилий, Фарғона тонг отгунча
Мум шамли қандилдай қуруқ лаблари, Бир қатор қиз кетар, елкада обкаш. — Ғ. Ғулом
- Мум тишламоқ Оғиз очмай жим қолмоқ, индамаслик. Алимжоннинг юраги тез-тез уриб, бадани қизишди. Наҳот мен мум тишлаб ўтирсам деган фикр унинг хаёлидан ўтди. — Қ. Раҳимов, Ўз касбини севган йигитҚозикалон каҳрабо тасбеҳини ўгирганча, мум тишлаб ўтирган эди. — С. Сиёев, Аваз
- Оқ мум Нефт, торф ва кўмирдан олинадиган оқ ёки сарғиш тусдаги мумсимон модда; парафин.
- Қора мум Қора мойга бошқа моддалар қўшиб тайёрланган сунъий мум.