Qidiruv

ot 1. Suv yuzida shabadadan hosil boʻladigan jimir-jimir harakat; jimirlash.

Ravi daryosi uzoqda, koʻm-koʻk mavj bilan sekin oqadi. — Oybek, Nur qidirib

2. geogr. Okean yoki dengiz yuzasining toʻliq shamolsizlik holatidagi erkin tebranma harakati.

3. Tovlanish, jilva.

Archalarning toza, yashil mavji nur bilan yarqirab ketdi. — Oybek, Quyosh qoraymas

4. maxs. Oʻymakorlikda: naqsh yuzasiga baliq tangachalari koʻrinishida tushirilgan toʻlqinsimon bezak.

5. koʻchma kam qoʻll. ayn. Toʻlqin.

Havoda odamlar, qushlar va mashinalar sadosidan birikkan qandaydir yoqimli bir mavj suzar edi. — Oybek, Oltin vodiydan shabadalar.

rvsh. 1. Ixtiyorda yoki umuman voqelikda bor boʻlgan; bor.

[Toʻlagan:] mavjud boʻlgan imkoniyatlardan toʻla foydalanishga nimalar toʻsqinlik qilayotgani toʻgʻrisida gapirib ketdi. — A. Qahhor, Qoʻshchinor chiroqlari

2. kesim vzf. Bor, muhayyo.

Oʻqish uchun barcha imkoniyatlar mavjud.

Doirachi, raqqos va sozandalar oʻrtasida tomoshabin sezmaydigan nozik aloqa ipi mavjud. — T. Obidov, Yusufjon qiziq.

ot kt. Olam, tabiatda bor narsalar majmui, dunyoda mavjud narsalar, butun borliq.

Mavjudotning yaratilishi haqidagi afsonalar.

Mavjudotning joni — suv. — X. Rasul, Baxt nashʼasi

ot Bor boʻlishlik, mavjud holatdalik, mavjud ekanlik.

Mirzakarimboy Gulnorni sevgan va u bilan til biriktirgan bir yigitning mavjudligini oʻsha vaqtlarda bilgan boʻlsa ham, uning xotiridan Yoʻlchi sira kechmagan edi. — Oybek,Tanlangan asarlar.

fl. 1. Mavj hosil boʻlmoq, jimirlamoq, asta toʻlqinlanmoq.

Hovuz suv bilan emas, nur bilan toʻlgan kabi mavjlanadi. — Oybek, Tanlangan asarlar.

2. Tovlanmoq, jilvalanmoq.

Shonaga kirgan gʻoʻzalar quyosh nurida mavjlanadi.

Peshona va chakkasida salqigan sochlarining jingalaklarida shuʼlalar mavjlanib yonar edi. — Oybek, Tanlangan asarlar

3. koʻchma Aks etmoq, barq urmoq.

Oxunning shafqatiga hamma chuqur sezgi bilan qaradi, bu his ularning koʻzlarida, yuzlarida ravshan mavjlandi. — Oybek, Tanlan-gan asarlar

ot 1. esk. kt. Ayn. mavjudot.

2. Borlik, mavjudlik.

Menga asrdosh boʻlgan bir kishi oʻz mavjudiyatidan inson boʻlganidan xafa. — Gʻ. Gʻulom, Afsona