от 1. Учига латта ёки бирор бошқа ёнувчи нарса ўралган, ёритиш ёки ўт ёқиш учун ишлатиладиган таёқ.
Машъал ёқмоқ. Машъал кўтариб олмоқ.
Ҳокимнинг одамлари машалларни ёндириб, қўрғоннинг ичини ва теварагини ёруғлантириб, бир қисмлари қўрғонга бостириб кирдилар. — С. Айний, Эсдаликлар.
2. кўчма Ёʻл кўрсатиб турадиган, намуна бўлган нарса; маёқ.
Шарқда машъал Тошкент шаҳри неча-неча буюк воқеалар, улкан шодиёналарнинг шоҳиди бўлган. — Фан ва турмуш
3. кўчма Меҳнат-фаолиятда ўрнак бўлган илғор шахс, хўжалик ва шу кабилар
Биз илғор машъалларнинг тажрибасини оммалаштиришимиз керак. — Ф. Мусажонов, Ҳиммат
Республикамизда пахта ҳосилдорлиги йил сайин ошсин, машъал хўжаликларимиз тобора кўпайсин. — Газетадан