ot 1. Diniy yoki anʼanaviy urf-odatlar munosabati bilan oʻtkaziladigan tadbir, yigʻin.
Diniy marosimlar. Toʻy marosimi. Dafn marosimi.
Kelasi juma maxdumning uyida toʻy ijro qilinib, marosimdan soʻng Raʼno oʻrdaga yuboriladigan boʻldi. — A. Qodiriy, Mehrobdan chayon
2. Tantanalar bilan oʻtkaziladigan rasmiy yigʻin.
Kanalning ochilish marosimi. Mukofot berish marosimi.
Poʻttiyev shu dolzarb kunlarda dalaga emas, tantanali marosimga otlangan kishiday bashang kiyingan. — S. Karomatov, Soʻnggi barxan
Adolat marshalning parad qabul qilish marosimini birinchi marta koʻrayotgani uchun qora koʻzlari nurlanib chaqnardi. — I. Rahim, Chin muhabbat