Поиск

ot Moddiy, jismoniy, maʼnaviy yoki boshqa jihatdan qoʻllab-quvvatlash; yordam.

Katta koʻmak. Koʻmak olmoq. Doʻstlar koʻmagida qiyinchiliklarni yengmoq.

Ketaman, qizim, shaharda allaqancha ishim bor. Botiralining koʻmagi bilan bitkazib olay. — H. Gʻulom, Mashʼal

Ogʻir daqiqalarda bir-birlarini qoʻllab, koʻmak berardilar. — Sh. Rashidov, Boʻrondan kuchli

Yigitlardan birining koʻmagida otga minib, jilovini qoʻydi. — A. Qodiriy, Mehrobdan chayon

Ogʻa, ne qil deysiz Men sizdan koʻmak istab keldim. — S. Siyoyev, Avaz

ot 1. Yordam, koʻmak beruvchi; yordamchi.

Paxta terimiga chiqqan shaharlik koʻmakchilar.

Bu gʻamlar yetmaganday, uning yagona koʻmakchisi boʻlgan shogirdini yaqinda boshqa bir usta aynitib olib, bechora cholning qoʻlini kesdi. — Oybek, Tanlangan asarlar

2. tlsh. Otlardan keyin kelib, ularning boshqaruv yoʻli bilan tobelanishini koʻrsatuvchi, makon, zamon, sabab kabi maʼnolarni ifodalovchi yordamchi soʻz, masalan, uchun, bilan, tomon soʻzlari.

ot kt. ayn. Koʻmakchi 1.

assisting, assistance.

fl. Yordam, koʻmak bermoq, yordamlashmoq.

Unsin: Togʻa, sizga yalinib keldim, Yoʻlchi akamni qamoqdan chiqarishga koʻmaklashing. — Oybek, Tanlangan asarlar

Yozgi kanikulda togʻlarga sayohat qilganimiz, bir-birimizga koʻmaklashib, Chimyon choʻqqilariga chiqqanimiz. — P. Tursun, Oʻqituvchi

Mehtiyev hammaning ulushini kuzatib, kerak boʻlgan joyda koʻmaklashib yurar edi. — P. Qodirov, Uch ildiz

fl. Koʻmaklashmoq feʼlining majhul nisbati.