ot 1. Biror joyga borish yoki biror yukni olib borib berish uchun arava, mashina va shu kabilarni yollash, yollanish.
Tuyalarimdan koʻnglim toʻq boʻlgani uchun ularni kiraga yubordim. — S. Ayniy, Kullar
uch soyabon arava, olti otni kiraga olib, katta karvon ketidan yurishni gaplashishdi. — Mirmuhsin, Meʼmor.
2. s. t. Badal, evaz.
Xolbekanimen koʻrsatsam, toʻrajon, Kirasiga ne berasan oʻzima? — Kuntugʻmish
3. Kira haqi, kira puli.
Margʻilondan, hatto Qudratulla qorini ham yigirma besh shogirdi bilan chaqirtiribdi. Borish-kelish kiralarini ham boy oʻz ustiga olibdi. — M. Muhammadjonov, Turmush urinishlari
Ikkala mashina ham yakka tartibda uy-joy quruvchilarga suv tashish va kira ishlash bilan band boʻlmoqda. — Q. Sobirov, Baʼzi mayda-chuydalar
- Kira qilmoq 1. Haq toʻlash sharti bilan boshqaning ot, arava, mashina va shu kabilaridan foydalanmoq, ularni yollamoq. — Biz ham, otam ikkimiz, ikkita nor tuyani kira qilib, karvonga ulandik, — dedi Hoji xola. — M. Ismoiliy, Fargʻona tong otguncha. ;Qoʻlga tushsang kira qilyapsan, deb moliyaga yozib berishdan ham toymaydi bular. — S. Anorboyev, Oqsoy