Изоҳли луғат
· яна 5 та луғатда
от Чархга бир неча марта бир текис қилиб ўралган ва чархдан чиқариб олиб тахланган бир ўрам ип, ипак.
Уч калава ипак.
Устахонага эшик олдидаги арқонга илинган қизил, сариқ, сурранг, бинафшаранг ип калавалари тагидан бош эгиб кирилади. — А. Мухтор, Опа-сингиллар
Ранг-баранг ипакларни калавасидан чиқариб, чархда бир-икки товлаб олади-да, копток қилиб ўраб қўяди. — Ойдин, Ҳикоялар.
- Калава чигаллашмоқ Ҳал этилиши лозим бўлган масала, муаммо чигал тус олмоқ. Сабаб ва натижалар бир-бири билан шундай аралашиб, шундай чалкашиб кетган эдики, у оқни оққа, қорани қорага ажратмоқчи бўлгани сари, калава бадтар чигаллашарди. — П. Қодиров, Уч илдиз
- Калаванинг учи Ҳал этилиши, белгиланиши лозим бўлган масала, муаммо ва шу кабилардан белги берувчи, уни аниқлаш, белгилашга ёʻл очувчи нарса. Буйруқлар папкасига қараб баҳо бериб бўладими одамга? Нима қилиш керак? Калаванинг учи борми? — А. Мухтор, ТуғилишТурғун бу чигал калаванинг бир учи Қодиржонга бориб боғланишини сезарди. — О. Ёқубов, Тоғ қизи
- Калавасини (калавасининг учини) ёʻқотмоқ Нима қилиш, нимадан бошлаш кераклигини билмай қолмоқ, иши чигаллашган ҳолда қолмоқ. Аҳмад калавасини ёʻқотиб қўйган телбадек анчагача шаҳарда кезиб юрди. — Ф. Мусажонов, ҲимматБиласизми, раис амаки, сиз касал бўлгач, калавамнинг учини ёʻқотиб, шунчалик паришон бўлдимки — Ш. Рашидов, Бўрондан кучли