от 1. Ер юзи ва ундаги бутун борлиқ; дунё, олам.
Бутун жаҳон.
Канал, қирқ йилдирки, жаҳонни ҳайратга солиб келади. — Ўзбекистон қўриқлари
Одам одамга дўст-ўртоқ бўлиб қолди. Жаҳон тарихида янги давр бошланди. — Н. Сафаров, Оловли излар
Бу жаҳонда бундай дилбар бўларми, Жамолини кўрган омон қоларми? — Муродхон
2. поет. Дунёдаги ҳамма халқлар, бутун инсоният.
Сен ҳайқирдинг, жаҳон ҳайқирди: Йигит-қизлар интиқом учун. Оталар ва оналар ўзни Чоғладилар шараф, шон учун. — Ғайратий
3. Жаҳон (хотин-қизлар исми).
- Бир жаҳон 1. Жуда кўп, сон-саноқсиз, беҳисоб. Унинг жаҳли чиққан, бир зумда бир жаҳон гапни гапириб ташлади. Ойдин, Уялди шекилли, ерга қаради;Хуш келибсиз, ажаб меҳмон экансиз, Хушруйликда сиз бир жаҳон экансиз. — С. Абдулла, Тоҳир ва Зуҳра— Йигит бўлганда ҳам, бир жаҳон эди, — деди Қамчи. — Ҳ. Ғулом, Машъал
- Жаҳон чемпионати Жаҳон бўйича ўтказиладиган мусобақа. Чарм тўп усталари жаҳон чемпионатининг тантанали очилишига бағишланган маросим ўзига хос байрамга айланди. — Газетадан
- Жаҳонга донғи кетган Дунёга машҳур, танилган. [Темур] Самарқанд обидаларидек санъат асарларининг бунёд бўлишига ҳомийлик қилган, жаҳонга донғи кетган олимларни тўплаб, уларга шароит яратиб берган. — Ў. Ҳошимов, Қалбингга қулоқ сол
- Икки жаҳон овораси
- Ойнайи жаҳон