Қидирув

от 1. Улуғвор кўриниш; важоҳат, салобат.

Баъзида тоғлар ҳайбати, денгизлар тўлқинига қараб, бу мўжиза олдида беихтиёр ичимиздан хўрсиниқ келади. Шукрулло, — Жавоҳирлар сандиғи

[Очил бува] Чинортоғ этагида ҳайбат билан қорайиб турган чинорга узоқдан тикилиб, тонг оттирди. — А. Мухтор, Чинор

Мозористон ҳайбати, мозористон сукунати уни ғамгин ўйлар гирдобига ботиради. — С. Сиёев, Ёруғлик

2. кўчма Ваҳимали ҳис-туйғу, шундай ҳис-туйғу уйғотувчи нарса, ҳолат; ваҳм.

Аҳмадбек минди тарлоннинг белига, Ҳайбат билан қаради соғ-у сўлига. — Ойсулув

Аждарҳо домига Шакар кетади, Аждарҳо ҳайбати шундай бўлади. — Ширин билан Шакар

сфт. 1. Улуғвор кўринишли, салобатли, баҳайбат.

Ҳайбатли баланд тоғлар ой ёғдусини ҳам ютиб юборгудек қорайиб, ваҳм соларди. С. — Кароматов, Олтин қум

Яссавий мақбарасини Темир Кўрагон бино қилдирган, кўп ҳайбатли, муҳташам мақбара. — Ойбек, Улуғ ёʻл

Ичкарида тасаввурига сиғмайдиган ҳайбатли нарса пойлаб тургандай бўларди. — Р. Раҳмонов, Чангалзордаги шарпа

2. кўчма Ваҳимали, даҳшатли.

Жанг бўлади кўп ҳайбатли, Ёв ғаламис, қув, шиддатли. — М. Шайхзода, Тошкентнома

Фронтнинг унча ҳам катта бўлмаган бир участкасига тўпланган мингларча замбарак гумбурлашидан ҳайбатли бир гувуллаш ҳосил бўлдики — А. Қаҳҳор, Олтин юлдуз

сфт. Ҳайбати ёʻқ.

сфт. 1. Ҳажм-ўлчови одатдагидан ортиқ; жуда катта, жуда улкан, ҳайбатли.

Баҳайбат минора. Баҳайбат тоғ.

Асрий қорлардан бошига салла ўраган баҳайбат қоялар шаҳар теграсида виқор билан турганча қотиб қолган. — К. Яшин, Ҳамза

Баҳайбат ўрик остидаги каравотда эллик ёшлар чамасидаги бир аёл ўтирарди. — Д. Нурий, Осмон устуни

Баҳайбат пармаловчи машиналар қишлоқ биқинида қудуқ қазиётир. — Ёшлик

2. Кўриниши ваҳимага соладиган, қўрқинч ҳиссини туғдирадиган; ваҳимали, даҳшатли.

Лочин деганда, кўз олдимизда баҳайбат йиртқич қуш пайдо бўлади. — Фан ва турмуш

Икки-уч юз қадам наридаги якка-ёлғиз дарахтлар ва пастқам уйларнинг қамиш ва ёғоч бўғотлари туман ичида, оқшом маҳалдаги кўланкадай, баҳайбат кўринарди. — П. Турсун, Ўқитувчи

Ўтовдай шўппайган улкан тошлар ортида қандайдир баҳайбат махлуқ пойлаб тургандай. — Ж. Абдуллахонов, Орият

сфт. айн. Баҳайбат 2.