Поиск

sft. Holdan ketgan, madori qurigan; darmonsiz, zaif.

Archa sandiq yonidagi namat ustida holsiz choʻzilib yotgan bu odamning yuz-koʻzi-yu ust-boshi qanday — bilib boʻlmas edi. — A. Muxtor, Qoraqalpoq kissasi

Yigitali holsiz oyoqlarini sudrab, emaklayotganday, yana oldinga intildi. — D. Nuriy, Osmon ustuni

ot Kuch-madori yoʻq, holsiz holat.

Rangi oqargan, holsizlikdan koʻzlarini yumib yotgan bu ayol Nabijonning xayolida allaqachon oʻrnidan turgan u bilan boshlashib yurardi. — S. Zunnunova, Koʻk chiroqlar

Yigitalining butun vujudini ter bosgan, holsizlikdan gandiraklab, qalin butalar orasidan ketayotganini bilardi, xolos. — D. Nuriy, Osmon ustuni

fl. Madori qurimoq, holdan ketmoq; darmonsizlanmoq, zaiflashmoq.

Poshsha xola holsizlanganday, stulga oʻzini tashlab oʻtirib oldi. — D. Nuriy, Osmon ustuni

yigitcha qorlarni gʻarch-gʻurch bosib keldi-da, suvdagi kishi qoʻlidan holsizlanib, qolgan qizni oldi. — Mirmuhsin, Chiniqish

Qusib charchagan Kumush holsizlanib, boshini yostiqqa tashladi. — A. Qodiriy, Oʻtgan kunlar

fl. Holsizlanmoq feʼlining orttirma nisbati.