Qidiruv

ot 1. Ulugʻvor koʻrinish; vajohat, salobat.

Baʼzida togʻlar haybati, dengizlar toʻlqiniga qarab, bu moʻjiza oldida beixtiyor ichimizdan xoʻrsiniq keladi. Shukrullo, — Javohirlar sandigʻi

[Ochil buva] Chinortogʻ etagida haybat bilan qorayib turgan chinorga uzoqdan tikilib, tong ottirdi. — A. Muxtor, Chinor

Mozoriston haybati, mozoriston sukunati uni gʻamgin oʻylar girdobiga botiradi. — S. Siyoyev, Yorugʻlik

2. koʻchma Vahimali his-tuygʻu, shunday his-tuygʻu uygʻotuvchi narsa, holat; vahm.

Ahmadbek mindi tarlonning beliga, Haybat bilan qaradi sogʻ-u soʻliga. — Oysuluv

Ajdarho domiga Shakar ketadi, Ajdarho haybati shunday boʻladi. — Shirin bilan Shakar

sft. 1. Ulugʻvor koʻrinishli, salobatli, bahaybat.

Haybatli baland togʻlar oy yogʻdusini ham yutib yuborgudek qorayib, vahm solardi. S. — Karomatov, Oltin qum

Yassaviy maqbarasini Temir Koʻragon bino qildirgan, koʻp haybatli, muhtasham maqbara. — Oybek, Ulugʻ yoʻl

Ichkarida tasavvuriga sigʻmaydigan haybatli narsa poylab turganday boʻlardi. — R. Rahmonov, Changalzordagi sharpa

2. koʻchma Vahimali, dahshatli.

Jang boʻladi koʻp haybatli, Yov gʻalamis, quv, shiddatli. — M. Shayxzoda, Toshkentnoma

Frontning uncha ham katta boʻlmagan bir uchastkasiga toʻplangan minglarcha zambarak gumburlashidan haybatli bir guvullash hosil boʻldiki — A. Qahhor, Oltin yulduz

sft. Haybati yoʻq.

sft. 1. Hajm-oʻlchovi odatdagidan ortiq; juda katta, juda ulkan, haybatli.

Bahaybat minora. Bahaybat togʻ.

Asriy qorlardan boshiga salla oʻragan bahaybat qoyalar shahar tegrasida viqor bilan turgancha qotib qolgan. — K. Yashin, Hamza

Bahaybat oʻrik ostidagi karavotda ellik yoshlar chamasidagi bir ayol oʻtirardi. — D. Nuriy, Osmon ustuni

Bahaybat parmalovchi mashinalar qishloq biqinida quduq qaziyotir. — Yoshlik

2. Koʻrinishi vahimaga soladigan, qoʻrqinch hissini tugʻdiradigan; vahimali, dahshatli.

Lochin deganda, koʻz oldimizda bahaybat yirtqich qush paydo boʻladi. — Fan va turmush

Ikki-uch yuz qadam naridagi yakka-yolgʻiz daraxtlar va pastqam uylarning qamish va yogʻoch boʻgʻotlari tuman ichida, oqshom mahaldagi koʻlankaday, bahaybat koʻrinardi. — P. Tursun, Oʻqituvchi

Oʻtovday shoʻppaygan ulkan toshlar ortida qandaydir bahaybat maxluq poylab turganday. — J. Abdullaxonov, Oriyat

sft. ayn. Bahaybat 2.